झुलाघाटबाट एकै दिन ५ सयभन्दा बढी भित्रिए

सीमामा अलपत्र परेका र भारतका विभिन्न स्थानमा रहेका नागरिकलाई स्वदेश ल्याइएको सहायक प्रमुख जिल्ला अधिकारी लोकेन्द्रसिंह नेगीले बताए । उनका अनुसार बिहीबार ५ सय ७६ जना आएका छन् ।

केन्द्र सरकारको अनुमतिमा जिल्ला प्रशासन कार्यालय बैतडी र भारतको पिथौरागढ जिल्लाका प्रमुखसँगको समन्वयमा पुलको गेट खोलेर नेपालीहरूलाई भित्र्याइएको नेगीले जानकारी दिए ।

बैतडीसहित विभिन्न जिल्लाका उनीहरूलाई सम्बन्धित पालिकाहरूले क्वारेन्टाइनमा राख्नेछन् । गत शुक्रबार पनि ३ सयभन्दा बढी नागरिक झुलाघाट नाकाबाट आएका थिए ।