बैतडीमा पाँच प्रहरीको आरडीटी रिपोर्ट पोजिटिभ- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बैतडीमा पाँच प्रहरीको आरडीटी रिपोर्ट पोजिटिभ

तृप्ति शाही

बैतडी — जिल्लामा कार्यरत ५ प्रहरीको आरडीटी पोजिटिभ देखिएको छ । आइतबार आरडीटी जाँच गरिएकोमा ५ जनाको पोजिटिभ देखिएको स्वास्थ्य कार्यालयका प्रमुख योगेश भट्टले बताए । उनका अनुसार १७ जनाको चेक गरिएकोमा ५ जनाको पोजिटिभ आएको हो । २२ जनाभन्दा बढीको जाँच भइरहेको उनले बताए । ५ जनामा १ जना महिला प्रहरी हुन् । 

शुक्रबार जिल्ला प्रहरी कार्यालयको थुनुवा कक्षमा रहेका एक पुरुषमा कोरोना देखिएपछि उनीसँग प्रत्यक्ष सम्पर्कमा आएका प्रहरी, अदालतका कर्मचारी, सरकारी वकिल कार्यालयका कर्मचारीसँगै संक्रमितका घरपरिवार र केही स्वास्थ्यकर्मी गरी ६८ जनाको स्वाब संकलन गरी पीसीआरका लागि धनगढी पठाइएको छ ।

पीसीआर गर्न बाँकी जोखिममा रहेका प्रहरीको आरडीटी गर्दा ५ जनामा पोजिटिभ देखिएको जिल्ला प्रहरी प्रमुख प्रहरी नायव उपरीक्षक डिल्लीनारायण पाण्डेयले पनि पुष्टि गरे । उनीहरुलाई बसपार्कमा रहेको थालीगाडा प्रहरीचौकी नजिकै टेन्टमा राख्ने व्यवस्था तयारी गरिएको छ ।

अस्पतालमा ३ वटा मात्र आइसोलेसन बेड रहेकोमा १ संक्रमित र २ शंकास्पद बिरामीलाई राखिएको छ । अस्पतालमा बेड अभावका कारण प्रहरीलाई टेन्टमा राख्‍न लागिएको उनले बताए ।


प्रकाशित : जेष्ठ ११, २०७७ १७:०८
प्रतिक्रिया
पठाउनुहोस्

पूर्वी नाकामा रोकिएकालाई प्रवेश गराइने

कान्तिपुर संवाददाता

इलाम — पूर्वी सीमापारि दार्जिलिङ क्षेत्रबाट आएर बसिरहेका नेपालीहरुलाई नेपाल प्रवेश गराइने भएको छ । दार्जिलिङ, मिरिकलगायत आसपास क्षेत्रमा रहेका नेपालीलाई जाँचसहित नेपाल आउन दिइने भएको हो ।

त्यसक्षेत्रबाट आएकाहरु पशुपतिनगर नाकापारि बसेका छन् । त्यसरी आएकामध्ये दुई सयजनालाई पहिलो चरणमा प्रवेश गराइने भएको हो ।

सूर्योदय नगरपालिकाका अनुसार दार्जिलिङ र आसपास क्षेत्रमा कामका लागि बसेका धेरै नेपाली छन् । उनीहरु घर आउन चाहेका छन् । लकडाउनका कारण उतै रोकिएको अवस्थामा उनीहरु घर फर्कने प्रयास गरिरहेका छन् ।

नेपाल प्रवेश गराएर ‘होल्डिङ एरिया’मा राखिने नगरपालिकाले जनाएको छ । त्यसरी आएकाहरुको सुरुमा आरडीटी र पछि पीसीआर परीक्षण गरिने छ । केही समय होल्डिङ एरियामा राखेपछि सम्बन्धित जिल्ला पठाइने भएको छ । सीमापारि रामेछाप, तेह्रथुम, दोलखालगायत जिल्लाका मानिसहरु कामका लागि जाने गरेका छन् ।

प्रकाशित : जेष्ठ ११, २०७७ १६:२९
पूरा पढ्नुहोस्
प्रतिक्रिया
पठाउनुहोस्
×