चन्दका पूर्व सेती इन्चार्जले छाडे समूह

उनी भूमिगत बस्दै आएका थिए । ‘म शारीरिक रूपमा पार्टीमा सक्रिय रहन नसक्ने भएँ । त्यसैले स्वतन्त्र जीवन बिताउन चाहन्छु,’ खड्काले भने । उनले सहमतिमै समूह छाडेको बताए पनि नेताहरूप्रति अप्रत्यक्ष रूपमा गुनासोसमेत गरे । आफू ३० वर्षदेखि जनताको मुक्तिका लागि लडेको जनाउँदै उनले देशमा विभिन्न व्यवस्था परिवर्तन भए पनि नेताहरूको नियत सुध्रिन नसकेकाले देश समृद्धिको बाटोमा लाग्न नसकेको बताए ।

द्वन्द्वकालमा पाँच वर्षभन्दा बढी भूमिगत जीवन बिताएका उनी बझाङ क्षेत्र नं २ बाट २०६४ सालमा नेकपा माओवादीका तर्फबाट संविधानसभा सदस्यका रूपमा निर्वाचित भएका थिए । उनी तत्कालीन नेकपा माओवादीबाट अलग भएको मोहन वैद्य समूह हुँदै चन्द समूहमा पुगेका थिए ।