कोभिड–१९ कोषमा स्वास्थ्य कर्मचारीको १ लाख

निर्देशनालयमा कार्यरत २१ कर्मचारीले एकमुष्ट १ लाख १ हजार ८ सय ८५ रुपैयाँ कोषमा जम्मा गरेको निर्देशक डा. गुणराज अवस्थीले बताए । सरकारले तह अनुसार तीनदेखि सात दिनसम्मको तलब कट्टा गरेर कोषमा जम्मा गर्नुपर्ने निर्णय गरेको छ । ‘तोकेबमोजिम निर्देशनालयका सबै कर्मचारीको तलब कट्टा गरेर कोषमा जम्मा गर्‍यौं,’ अवस्थीले भने ।

कोरोना भाइरसको रोकथाम तथा नियन्त्रण गर्न सरकारले कोष स्थापना गरेको छ । महामारीसँग फ्रन्टलाइनमा जुधिरहेका स्वास्थ्यकर्मी र सुरक्षाकर्मीको पारिश्रमिकसमेत काट्ने निर्णयको चौतर्फी आलोचना भइरहेको छ ।