(बैतडी) — बैतडीमा भीरबाट लडेर एक महिलाको मृत्यु भएको छ । मृत्यु हुनेमा पाटन नगरपालिका ९ सल्लेबासाकी ४० वर्षीया निर्मला महरा रहेकी छिन् ।
घरबाट पाइपलाइन खन्ने काममा जाँदै गरेकी उनी बिहीबार दिउँसो १२ बजे गोइलासैन भीरबाट लडेर गम्भीर घाइते भएकी थिइन् । उपचारका लागि डडेल्धुरा अस्पताल पुर्याइएकी महराको मृत्यु भएको खोडपे प्रहरी चौकीका इन्चार्ज प्रहरी सहायक निरीक्षक रामदत्त भट्टले जानकारी बताए ।