लकडाउनले धनगढी सुनशान
धनगढी — प्रदेशको राजधानी तथा प्रमुख व्यापारिक शहर धनगढी लकडाउन भएको छ । बजारका सबैजसो पसल, उद्योग कलकारखाना सवारी साधान बन्द हुनुका साथै मान्छेको आउजाउ समेत भएको छैन ।
फाटफुट चलेका मोटरसाइकल यात्रीलाई पनि रोक लगाइएको छ । स्थानीय प्रशासनले सोमबार निषेधाज्ञा जारी गरेको थियो । प्रशासनले अत्यावश्यक वस्तु सुचारु रहने गरी निषेधाज्ञा जारी गरेको थियो ।
सुदूरपश्चिम प्रदेशको गौरीफन्टा–धनगढी नाकामा भारतका विभिन्न शहरबाट आएर अलपत्र परेका नेपालीहरुलाई नेपाल प्रवेश गराउनका लागि स्थानीय प्रशासनले गृह मन्त्रालयको आदेश पर्खिरहेको छ ।
‘गृह मन्त्रालय र प्रदेश सरकार समुन्वय भइरहेको छ,’ प्रमुख जिल्ला अधिकारी यज्ञराज बोहराले भने,‘उनीहरुको प्रारम्भीक स्वास्थ्य जाँच गरेर सिधै गन्तव्यतर्फ पठाउने की क्वारेन्टाइनमा राख्नेमा छलफल भइरहेको छ ।’
यो पनि पढ्नुहोस्ः
गौरीफन्टा नाकामा एक हजार अलपत्र
प्रकाशित : चैत्र ११, २०७६ १३:३०