बझाङमा जीप दुर्घटना : गाउँपालिका उपाध्यक्षसहित ९ जना घाइते

गडरायको महेश्वरी माध्यमिक विद्यालयमा भइरहेको अध्यक्ष कप खेलकुदमा सहभागी हुने विद्यार्थी, शिक्षक र जनप्रतिनिधि बोकेर गएको जीप दुर्घटनामा परी अन्य ९ जना घाइते भएको र दुईजनाको अवस्था गम्भीर रहेको प्रहरी चौकी छान्नाका इन्चार्ज भुवनसिहं बोहराले बताए ।

_{खप्तड छान्ना गाउँपालिकामा दुर्घटनाग्रस्त भएको जिप । तस्बिर सौजन्यः रामबहादुर सिंह ।}

गम्भीर घाइते हुनेमा विद्यार्थी नरेन्द्र उपाध्याय र सुमन विक रहेका छन् । जीपमा झण्डै १३ जना सवार रहेका र जसमा अधिकांश विद्यार्थी रहेको बोहराको भनाइ छ । घाइतेको जिल्ला अस्पताल चैनपुरमा उपचार भइरहेको छ । क्षमताभन्दा दोब्बर बढी यात्रु बोकेका कारण जीप पल्टिएको हुन सक्ने प्रहरीको अनुमान छ ।

जीप चालकलाई नियन्त्रणमा लिएर दुर्घटनाको बारेमा अनुसन्धान भइरहेको प्रहरीको भनाइ छ ।