खरबारीमा आफैंले लगाएको आगोले जलेर वृद्धको मृत्यु
टीकापुर — टीकापुर नगरपालिका–७ सत्तीमा आगलागीमा ७० वर्षीया लालबहादुर भण्डारीको मृत्यु भएको छ । सत्ती कर्णाली सामुदायिक वनसँग जोडिएको नदी किनारमा स्थानीयको खरबारीमा आगलागी हुँदा भैँसी चराउन गएका भण्डारीको जलेर मृत्यु भएको प्रहरीले जनाएको छ ।
प्रहरीका अनुसार मंगलबार साँझ ५ बजेतिर भैँसी चराउन गएका भण्डारी आफैँले खरबारीमा आगो लगाएका थिए । खरको आगो भण्डारीको लुगामा सल्केपछि भाग्न नसक्दा जलेर मृत्यु भएको इलाका प्रहरी कार्यालय टीकापुरले जनाएको छ ।