जिपको ठक्करबाट दार्चुलामा बालकको मृत्यु
दार्चुला — शैल्यशिखर नगरपालिका–९ नायलमा जिपको ठक्करबाट एक जना बालकको मृत्यु भएको छ । गोकुलेश्वर–मार्मा सडकखण्डमा बिहीबार बिहान बा १३ च २०४१ नम्बरको जिपले ठक्कर दिँदा ५ वर्षीय बालक महेश महरको मृत्यु भएको प्रहरीले जनाएको छ ।
इलाका प्रहरी कार्यालय गोकुलेश्वरका अनुसार बालकको घटनास्थलमै मृत्यु भएको थियो । बच्चालाई ठक्कर दिने सवारी र चालकलाई नियन्त्रणमा लिएर अनुसन्धान भइरहेको प्रहरी निरीक्षक खगेन्द्रसिंह साउदले बताए ।
प्रतिक्रिया
