टिपरको ठक्करबाट युवतीको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

टिपरको ठक्करबाट युवतीको मृत्यु

भवानी भट्ट

कञ्चनपुर — कञ्चनपुरको भीमदत्त नगरपालिका–४ महेन्द्रनगर बजारमा टिपरको ठक्करबाट एक युवतीको मृत्यु भएको छ । बिहीबार पूर्व पश्चिम राजमार्ग अन्तर्गत भानुचोक नजिकै टिपरको ठक्करबाट बैतडीको दशरथ चन्द नगरपालिका–१ गुरुखोलाकी २२ वर्षीया रमिता भट्टको मृत्यु भएको हो । उनी महेन्द्रनगरमा भाडामा बस्दै आएकी थिइन् । 

पश्चिमतर्फ आइरहेको से १ क ८८७ नम्बरको टिपरले समान दिशामा साइकलमा आइरहेकी भट्टलाई ठक्कर दिँदा घटनास्थलमै मृत्यु भएको प्रहरीले जनाएको छ । जिल्ला प्रहरी कार्यालय कञ्चनपुरका डीएसपी नरेन्द्र चन्दका अनुसार टिपर चालक फरार छन् ।

युवतीको मृत्युपछि स्थानीयले टिपरमाथि ढुंगामुढा प्रहार गरेका छन् । भानुचोक क्षेत्रको अवस्था तनावग्रस्त बनेको छ । स्थानीयले प्रहरीमाथि समेत ढुंगामुढा प्रहार गरेका छन् ।


प्रकाशित : माघ ९, २०७६ १९:१४
प्रतिक्रिया
पठाउनुहोस्

सापकोटा विरुद्ध माइतीघरमा प्रदर्शन

तस्बिर : अंगद ढकाल

काठमाडौँ — अग्नी सापकोटालाई सभामुख बनाउने नेकपाको निर्णय विरुद्ध माइतीघरमा प्रदर्शन गरिएको छ । सिन्धुपाल्चोकका अर्जुन लामाको हत्या अभियोगमा सापकाेटा मुछिएका भन्दै उनी विरुद्ध लामाकी पत्नी पूर्णमाया र मानव अधिकारकर्मीहरुले माइतीघरमा प्रदर्शन गरेका हुन् ।

लामाकी पत्नी पूर्णमायाले सापकोटा विरुद्ध सर्वोच्चमा रिट हालेकी छन् । मुद्दा लागेका व्यक्तिलाई कानुन बनाउने काममा उभ्याएको भन्दै तीनदेखि पूर्णमाया लगायतका मानवअधिकारकर्मीहरुले चर्को विरोध गर्दै माइतीघरमा प्रदर्शन गर्दै आएका छन् । सभामुख पदमा सापकोटाको मात्रै उम्मेदवारी परेको छ । 

प्रकाशित : माघ ९, २०७६ १९:०२
पूरा पढ्नुहोस्
प्रतिक्रिया
पठाउनुहोस्
×