शिक्षक मृत फेला

संगीता तिमिल्सेना 

बाजुरा — बाजुराको खप्तड छेडेदह गाउँपालिका–३ पुडाबाब्लामा एक शिक्षक सोमबार साँझ आफ्नै कोठामा मृत अवस्थामा फेला परेका छन् । काडा भवानी माविमा अध्यापन गराउँदै आएका सिराहा औराही गाउँपालिका–३ घर भएका अन्दाजी वर्ष ५५ का रामदयाल यादव रहेको जिल्ला प्रहरी कार्यालय बाजुराका प्रहरी नायव उपरिक्षक टंक प्रसाद भट्टराईले बताएका छन् । 

ZenTravel

सोमबार बिहान छातीदुःखेका कारण विद्यालय नगएको र सोमबार राति नै उनी मृत अवस्थामा फेला परेको प्रहरीको भनाई रहेको छ । मृतक शिक्षक यादव पुडाबाब्लाका स्थानीय परे बुढाको घरमा डेरा गरी बस्दै आएको प्रहरीले बताएको छ । प्रहरीका अनुसार मृत फेला परेका यादवको सुत्ने कोठामा औषधिहरु समेत फेला पारेकाे समेत बताइएकाे छ ।

Meroghar

प्रकाशित : पुस २९, २०७६ २१:५६
ADVERTISEMENT
प्रतिक्रिया
पठाउनुहोस्

मुक्ति पाउने भन्दै पास्टरद्वारा बलात्कार

थप ५ दिन थुनामा राख्न अदालतको अनुमति
कान्तिपुर संवाददाता

ललितपुर — रोग निको हुने विश्वासले एक किशोरी ललितपुर महानगरपालिका–१३ कुसुन्तीस्थित आशा विश्वासी मण्डली पुगिन् । नियमित चर्च धाउने क्रममा पास्टर ध्रुवबाबु जोशीसँग उनको चिनजान भयो ।

बाथ रोगका कारण खुट्टा काम्ने समस्याबाट गुज्रिएकी उनले आफ्नो पीडा पास्टर जोशीलाई सुनाइन् । सानैमा नराम्रो काम गरेकाले रोग लागेको र पापबाट मुक्त हुन यौन सम्पर्क गर्नुपर्ने भन्दै उनले किशोरीलाई फकाउन थाले । पटकपटक बलात्कार गरेपछि किशोरीले जोशीविरुद्ध महानगरीय प्रहरी परिसर जावलाखेलमा जाहेरी दिइन् ।

तीन महिनायता पटकपटक यौन सम्पर्क गरेको किशोरीको जाहेरीमा उल्लेख छ । अन्तिमपटक पुसको पहिलो साता चापागाउँ मोडस्थित गेस्ट हाउसमा लगेर जबर्जस्ती करणी गरेको र कसैलाई भने शक्ति नाश हुने भन्दै त्रासमा पारेको उनको भनाइ छ ।

कुसुन्तीबाट पक्राउ परेका गोरखा नगरपालिका–६ निवासी जोशीलाई जिल्ला अदालत ललितपुरले अनुसन्धानका लागि पाँच दिनको म्याद थप गरेको छ । महानगरीय प्रहरी परिसरका प्रवक्ता एसपी दुर्गा सिंहले म्याद थपको अवधिभित्र सरकारी वकिलमार्फत् बयान लिई अदालतमा पेस गर्ने बताइन् । किशोरी हाल ओबीएन नामक संस्थाको संरक्षणमा छिन् ।

प्रकाशित : पुस २९, २०७६ २१:१७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×