वन्यजन्तुको छाला र भरुवा बन्दुकसहित ७ सिकारी पक्राउ

प्रक्राउ पर्नेहरुमा बुढिन्नदा–८ का ५९ वर्षीय आईत बोहरा, ३१ वर्षीय बलबहादुर बोहरा, २५ वर्षीय मनिचन्द्र बोहरा, ४० वर्षीय कबिन्द्र बोहोरा, ३२ वर्षीय दल कामी, पृथ्वी बोहरा र वडा नम्बर १० का ४८ वर्षीय पृथ्वीबहादुर सिंह छन् ।

प्रहरीले बलबहादुर बोहरा, दले कामी, कबिन्द्र बोहरा र मनिचन्द्र बोहराबाट एक एक थान भरुवा बन्दुक, कबिन्द्रको घरबाट अवैध रुपमा वन्यजन्तुको सिकार गरी राखेको जंगली जनावरको छाला समेत बरामद गरेको छ । प्रहरीले उनीहरुको साथबाट थारा, घोरल र रतुवा गरी ५ थान छाला बरामद गरेको हो ।

प्रक्राउ परेका ७ जनालाई मुलुकी अपराध संहिता ऐन २०७४ को दफा १ सय ३२ बमोजिम हातहतियार खरखजना सम्बन्धी कसुर मुद्दा दर्ता गरी कानूनी कारबाही अगाडि बढाएको छ ।