छतारामा २० मतले नेकपाका मनराज बुढा वडाध्यक्षमा विजयी

संगीता तिमिल्सेना 

बाजुरा — जिल्लाको त्रिवेणी नगरपालिका–१ छताराको वडा अध्यक्षमा नेकपाका मनराज बुढा विजयी भएका छन् । कांग्रेसबाट उम्मेदवार बनेका खगेन्द्र चँदारालाई २० मतले पराजित गर्दै वडाध्यक्षमा बुढा विजयी भएको मुख्य निर्वाचन कार्यालय बाजुराले जनाएको छ ।

मनराज बुढाले ३ सय ६७ मत पाएका छन् । त्यस्तै चँदाराले ३ सय ४७ मत, राप्रपाका उम्मेदवारले २ मत पाएको जिल्ला प्रहरी कार्यालय बाजुराका प्रमुख डिएपी उद्धवसिंह भाटले बताए । उनका अनुसार ११ मत बदर भएको छ ।

त्रिवेणी नगरपालिका १ मा रहेको छतारादेवी आधारभूत विद्यालयमा शनिबार भएको उपनिर्वाचनमा एक हजार ३९ जना मतदातामध्ये ७ सय २७ मत खसेको थियो । तीन सय ४४ पुरुष र तीन सय ८३ महिलाले मतदान गरेको थिए

प्रकाशित : मंसिर १५, २०७६ ०८:०९
ADVERTISEMENT
प्रतिक्रिया
पठाउनुहोस्
ADVERTISEMENT

बैतडीका तीनै वडाको मतगणना सम्पन्न, २ वडामा कांगेस र १ मा नेकपा विजयी 

तृप्ति शाही

(बैतडी) — बैतडीको स्थानीय तहका ३ वडामा भएको उपनिर्वाचनको मतगणना सम्पन्न भएको छ । २ वडामा नेपाली कांगेस र १ मा नेपाल कम्युनिष्ट पार्टी (नेकपा) विजयी भएको छ । शनिबार राति सम्पन्न मतगणनामा दोगडाकेदार गाउँपालिका ४ मा कांग्रेसका सुरेन्द्रप्रसाद भट्ट र सुर्नया गाउँपालिका १ मा कांग्रेसका गजेन्द्रबहादुर चन्द र पुर्चौडी नगरपालिका ४ मा नेकपाका शैलेन्द्र धानुक विजयी भएका छन् ।

दोगडाकेदार ४ मा विजयी भट्टले निकटतम प्रतिद्वन्द्व नेकपाका नरेन्द्रप्रसाद भट्ट भन्दा १०० बढी मत प्राप्त गरे ।

सुर्नया गाउँपालिका १ मा कांग्रेसका उमेदवार गजेन्द्रबहादुर चन्द विजयी भए । मतदानमा खसेको जम्मा ४ सय ३८ मतमध्ये २ सय १९ मत प्राप्त गर्दै उनी विजयी भएका हुन्

यस्तै पुर्चाडी नगरपालिका ४ मा नेकपाका धानुक १०५ मत बढी लिएर विजयी भएका छन् ।

दोगडाकेदार ४ र पुर्चौडी ४ मा यसअघि स्थानीय तहको निर्वाचनमा नेकपाका उम्मेदवार विजयी भएका थिए भने सुर्नया १ मा कांग्रेसका उम्मेदवार विजयी भएका थिए ।

प्रकाशित : मंसिर १५, २०७६ ०८:०८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×