बैतडीका तीनै वडाको मतगणना सम्पन्न, २ वडामा कांगेस र १ मा नेकपा विजयी 

तृप्ति शाही

(बैतडी) — बैतडीको स्थानीय तहका ३ वडामा भएको उपनिर्वाचनको मतगणना सम्पन्न भएको छ । २ वडामा नेपाली कांगेस र १ मा नेपाल कम्युनिष्ट पार्टी (नेकपा) विजयी भएको छ । शनिबार राति सम्पन्न मतगणनामा दोगडाकेदार गाउँपालिका ४ मा कांग्रेसका सुरेन्द्रप्रसाद भट्ट र सुर्नया गाउँपालिका १ मा कांग्रेसका गजेन्द्रबहादुर चन्द र पुर्चौडी नगरपालिका ४ मा नेकपाका शैलेन्द्र धानुक विजयी भएका छन् ।

दोगडाकेदार ४ मा विजयी भट्टले निकटतम प्रतिद्वन्द्व नेकपाका नरेन्द्रप्रसाद भट्ट भन्दा १०० बढी मत प्राप्त गरे ।

सुर्नया गाउँपालिका १ मा कांग्रेसका उमेदवार गजेन्द्रबहादुर चन्द विजयी भए । मतदानमा खसेको जम्मा ४ सय ३८ मतमध्ये २ सय १९ मत प्राप्त गर्दै उनी विजयी भएका हुन्

यस्तै पुर्चाडी नगरपालिका ४ मा नेकपाका धानुक १०५ मत बढी लिएर विजयी भएका छन् ।

दोगडाकेदार ४ र पुर्चौडी ४ मा यसअघि स्थानीय तहको निर्वाचनमा नेकपाका उम्मेदवार विजयी भएका थिए भने सुर्नया १ मा कांग्रेसका उम्मेदवार विजयी भएका थिए ।

प्रकाशित : मंसिर १५, २०७६ ०८:०८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

घोराही १६ मा कांग्रेस विजयी

दुर्गालाल केसी

दाङ — घोराही उपमहानगरपालिका वडा नम्बर १६ को अध्यक्षमा कांग्रेसका ताराबहादुर डिसी विजयी भएका छन् । डिसीले १ हजार २ सय १८ मत प्राप्त गरेका छन् । नेकपाका उम्मेदवार सुरेशबहादुर केसीले १ हजार १ सय १७ र स्वतन्त्र उम्मेदवार जगलाल चौधरीले ७ सय २० मत प्राप्त गरेका छन् । चौधरी नेकपाका वागी उम्मेदवार हुन् ।

यसैगरी संघीय समाजवादीकी विमला पुनले ३१, राप्रपाका प्रकाश केसीले १९, नेशनल मंगोलका पहलमान आलेले ३० र स्वतन्त्रका समीर वलीले २३ मत प्राप्त गरेका छन् । ३ हजार २ सय २६ मत खसेकोमा ६८ मत बदर भएको मुख्य निर्वाचन अधिकृत रितेन्द्र थापाले बताए । वडाको मतगणना राति भएको थियो । दाङ ३ ख को मतगणना आइतबार हुने भएको छ ।

प्रकाशित : मंसिर १५, २०७६ ०७:५८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×