कार्यालय सहयोगीलाई कुटपिट गरेको आरोपमा वडाध्यक्ष पक्राउ

रासस

घोडाघोडी — कैलालीको मोहन्याल गाउँपालिका–५ का वडाध्यक्ष छविलाल हौजाली पक्राउ परेका छन् ।

कार्यालय सहयोगी तुलसरा सिजालीलाई निर्घात कुटपिट गरेको आरोपमा वडाध्यक्ष हौजाली पक्राउ परेका हुन्।

पीडित महिलाले वडाध्यक्ष हौजालीले आफूमाथि निर्घात कुटपिट गरेको भन्दै इलाका प्रहरी कार्यालय सुखडमा उजुरी दिएपछि उनलाई पक्राउ गरिएको प्रहरी निरीक्षक हरिशशरण भट्टले जानकारी दिए।

घटनाको बारेमा थप अनुसन्धान भइरहेको प्रहरीले जनाएको छ।

प्रकाशित : कार्तिक २६, २०७६ १६:०५
प्रतिक्रिया
पठाउनुहोस्

गुमेको नेपाली भूमि फिर्ता लिने ऐतिहासिक अवसर आएको छ : दाहाल

‘उपचुनावले पार्टीको राप र ताप देखाउँछ’
कान्तिपुर संवाददाता

चितवन — सत्तारुढ दल नेकपाका अध्यक्ष पुष्पकमल दाहालले ‘लिम्पियाधुरा नै काली नदीको मुहान हो’ भनेर राष्ट्रिय सहमति बन्नु खुसीको विषय भएको बताएका छन् । मंगलबार भरतपुरमा आयोजना भएको पार्टीको कार्यक्रममा बोल्दै पूर्व प्रधानमन्त्री तथा चितवन–३ का सासंदसमेत रहेका दाहालले भने, ‘जुन राष्ट्रिय एकता र सहमति बन्यो यसले गुमेको भूमि फिर्ता लिने ऐतिहासिक अवसर आएको छ ।’

भारतले औपचारिक रुपमा नै आफ्नो नक्सामा नेपाली भूमि लिपुलेक, कालापानी क्षेत्र र काली नदीको मुहान लिम्पियाधुरा राखेपछि नकारात्मक र चुनौतीपूर्ण स्थिती देशभक्त नेपाली सामु खडा भएको उनले बताए । ‘नकारात्मक कुरालाई सकारात्मक बनाउने चुनौतीलाई हामीले स्वीकार गरेका छौं । लिम्पियाधुरा महाकालीको मुहान हो । महाकाली पूर्व नेपाल र पश्चिम भारत हो । हामी अरु कुरा मान्दैनौं,’ दाहालले भने ।

उनले १८१६ को सुगौली सन्धी, त्यसपछिका चिठ्ठीपत्र र सुगौली सन्धीपछि छापिएको औपचारिक र वैधानिक नक्समा लिम्पियाधुरालाई नै काली नदीको मुहान मानिएको बताए । ‘काली नदी नै सीमा नदी भनेको हुँदा ऐतिहासिक तथ्य, तर्क र दस्तावेजले नेपालको भुमि र भारतको भूमि कुन हो र कति हो भन्ने कुरा प्रमाणित गरेको छ,’ दाहालले भने । यस तथ्यमा राष्ट्रिय सहमति र एकता हुनु खुसी र गर्वको कुरा भएको उनले बताए ।

नेपाल र भारतमा शक्तिशाली सरकार भएको र सिंगो नेपाल एकजुट भएको बेला नेपाली भूमि फिर्ता लिने अवसर निर्माण भएको उनले बताए । ‘यही समय हो हामीले हाम्रो राष्ट्रको एकतालाई, भौगोलिक अखण्डतालाई र नेपालीको सार्वभौमसत्तालाई सम्मानित गर्ने । यति राम्रो अवसर फेरी प्राप्त हुँदैन,’ दाहालले भने ।

भरतपुर महानगरपालिकाका वडा कमिटिका पदाधीकारीहरुको सपथ ग्रहण कार्यक्रममा भाग लिन उनी भरतपुर आएका छन् ।

‘उपचुनावले पार्टीको राप र ताप देखाउँछ’
मंसिर १४ गते हुने उपनिर्वाचनमा चितवनमा पनि खैरहनीका दुईवटा वडा र भरतपुर महानगरपालिकाको एउटा वडामा चुनाव हुँदैछ । चुनावका बेलामा पार्टी कार्यकर्ताहरु एकजुट भएर लाग्न उनले निर्देशन दिए ।

‘यो चुनाव चानुचुने हो भन्ने नठान्नु होला । यो चुनाव थर्मामिटर र ब्यारामिटर जस्तै हो । यसले हाम्रो पार्टीको ताप र चाप कस्तो छ भन्ने नाप्दै छ । हाम्रो पार्टीको लोकप्रियता घट्दो बढ्दो के छ, त्यो पनि टेस्ट गर्छ,’ दाहालले भने ।

यो चुनावले आउने चुनावका लागि पनि ठुलो सन्देश दिने उनले बताए ।

‘आउँदो दुई तीन वर्षपछि स्थानीय तह, प्रदेश र संघीय चुनाव हुन्छ । त्यो निर्वाचनका लागि यो उपचुनावले बलियो सन्देश दिँदै छ । हाम्रो पार्टी एकताको तागतलाई यसले राम्रोसँग प्रतिविम्बित गर्नेवाला छ,’ दाहालले भने । एकतावद्ध भएर रात दिन खटे चुनाव जित्ने सम्भावना रहेको उनले बताए ।

प्रकाशित : कार्तिक २६, २०७६ १५:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×