असिना पानीले अन्नबाली नष्ट 

संगीता तिमिल्सेना 

बाजुरा — जिल्लाको बडीमालिका नगरपालिका–१ मा सोमबार बेलुकी आएको असिना पानीले अन्नबाली, तरकारी र फलफूल खेतीमा क्षति पुर्‍याएको छ  । सोमबार दिउँसो ४  बजे आएको असिना पानीले पाक्न लागेको कोदो, फापर, धान, सुन्तला, केरा र तरकारी बालीमा क्षति गरेको स्थानीय कृषक हर्कबहादुर कार्कीले बताए । उनले वडाको पिनालेख, पाटा, नुवाकोट र सल्लेनाका करिब ११ सय कृषकको बाली नष्ट गरेको कान्तिपुरसँग बताए । 

बालीमा क्षति भएपछि आफू र छोराछोरीलाई पाल्न दैनिक ज्याला मजुदरी गर्न भारतमा जानुपर्ने अवस्था आएको कार्कीले कान्तिपुरसँग भने । अन्नबाली नष्ट भएको गुनासो सुनाएपछि बडीमालिका नगरपालिका उपप्रमुख कविता विष्टले क्षतिको यथार्थ विवरण आएपछि नियमअनुसार राहत दिने बताइन् ।

नगरपालिकाले बनाएको दैवी प्रकोप राहत कोषअनुसार कृषकको क्षतिको अवस्था हेरी राहतका लागि पहल गर्ने नगर उपप्रमुख विष्टले आश्वासन दिए ।

प्रकाशित : कार्तिक १९, २०७६ ११:३२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

ट्रक र मोटरसाइकल ठोक्किँदा १ को मृत्यु

कान्तिपुर संवाददाता

हेटौंडा — पूर्वपश्चिम राजमार्गअन्तर्गत हेटौंडा उपमहानगरपालिका १५ रातोमाटे लच्कामा सोमबार राति ट्रक र मोटरसाइकल ठोक्किँदा १ को मृत्यु भएको छ । १ जना सख्त घाइते भएका छन् ।

हेटौंडा बजारबाट पथलैयातर्फ गइरहेको ना ३८ प ६४० नम्बरको मोटरसाइकल र पथलैयावाट हेटौंडातर्फ आउँदै गरेको ना ६ ख ७३१७ नम्बरको ट्रक एक आपसमा ठोक्किँदा मोटरसाइकल चालक हेटौडा—१५ रातोमाटेका औतार स्याङ्तानको घटनास्थलमै मृत्यु भएको प्रहरी उपरीक्षक मुकेशकुमार सिंहले बताए । तीव्रगतिमा रहेको ट्रकले मोटरसाइकललाई ठक्कर दिएको स्थानीयवासीले बताएका छन् ।

दुर्घटनामा सख्त घाइते हुनेमा मोटरसाइकलमा सवार जितपुर सिमरा उपमहानगरपालिकास्थित ३ नम्बर पुल बस्ने ३२ वर्षीय मनिष लामा छन् । उनको उपचार हेटौंडास्थिजत चुरेहिल अस्पतालमा उपचार भइरहेको प्रहरीले जनाएको छ ।

ट्रक र ट्रक चालक प्रहरी नियन्त्रणमा रहेको जनाइएको छ ।

प्रकाशित : कार्तिक १९, २०७६ ११:२६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT