अज्ञात समूहद्वारा वडा कार्यालयमा आगजनी 

संगीता तिमिल्सेना 

बाजुरा — जिल्लाको जगन्नाथ गाउँपालिका ३ मोहतीमा रहेको वडा कार्यालयमा आगजनी गरिएको छ । बुधबार राति करिब ९ बजे अज्ञात समूहले वडा कार्यालयमा आगजनी गरेको वडाध्यक्ष डम्मरबहादुर शाही जानकारी दिए ।

उनका अनुसार वडा कार्यालयका सम्पूर्ण कागजपत्र जलेर नष्ट भएका छन् भने वडा कार्यालयका १६ वटा कुर्सी, कम्प्युटर सबै सामान जलेका छन् ।

वडा कार्यालयमा आगजनी गर्ने अज्ञात समूहको खोजी भइरहेको जिल्ला प्रहरी कार्यालय बाजुराका प्रहरी प्रमुख उद्धवसिंह भाटले बताए । स्थानीय धुव्रबहादुर शाहीको घरमामा भाडामा रहेको उक्त वडा कार्यालयका झ्याल ढोका फोडी कागजपत्र बाहिर निकालेर जलाएको वडाध्यक्ष शाहीको भनाइ छ ।

प्रकाशित : आश्विन २, २०७६ १३:०५
ADVERTISEMENT
प्रतिक्रिया
पठाउनुहोस्

ड्युटीका प्रहरीमाथि हातपात गरेको आरोपमा ५ जना पक्राउ  

संगीता तिमिल्सेना 

बाजुरा — डिउटीमा खटिएका प्रहरी टोली माथि हातपात गरेको आरोपमा प्रहरीले ५ जनालाई पक्राउ गरेको छ । बडिमालिका नगरपालिका–८ मा लागेको अनन्ते मेला सुरक्षामा खटिएका प्रहरीमाथि मदिरा सेवन गरेर हातपात गरेको जिल्ला प्रहरी कार्यालय बाजुराका निमित्त कार्यालय प्रमुख प्रहरी निरीक्षक जनक ढुंगानाले जानकारी दिए । 

प्रतिकात्मक तस्बिर ।

शनिबार साँझ मेलामा मदिरा सेवन गरी होहल्ला गर्दै हिँडेका अमृत बोहरा, केशव गिरी, हरिशंकर जोशी, बडिमालिका नगरपालिका–८ का गोरख थापा र सोही वडाकी धनी थापालाई प्रहरीले नियन्त्रणमा लिएको ढुंगानाले जानकारी दिए ।

मदिराले मातेका युवाहरुलाई नियन्त्रणमा लिन खोज्दा डिउटीमा रहेका प्रहरीमाथि हातपातबाटटोली प्रमुख प्रहरी सहायक निरीक्षक मानबहादुर चन्दसहित प्रहरी जवानहरुलाईचोट लागेको प्रहरी निरीक्षक ढुंगानाले बताए ।
घाइते सहायक निरीक्षक चन्दको गालाको दाहिने भागको अनुहारको हड्डी चर्केकोले जिल्ला अस्पताल बाजुरामा उपचार सम्भव नहुँदा जिल्ला बाहिर रिफर गरिएको जिल्ला अस्पताल बाजुराले जानकारी दिएको छ । पक्राउ गरिएका पाँच जनामा माथि अनुसन्धान भइरहेको ढुंगानाले बताए ।

अनन्ते मेलालाई व्यवस्थित बनाउन बडिमालिका नगरपालिका र अन्य सरोकारवालाको बैठकले मेला अवधिभर मदिरा बिक्री, वितरण र सेवनमा रोक लगाउने निर्णय गरेको थियो । मेला अवधिभरमा बेच्नेलाई पाँच हजार र सेवन गरेको भेट्टाएमा २ हजार ५ सय जरिवाना तोकेको थियो ।

प्रकाशित : भाद्र २९, २०७६ ११:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT