स्थानीय तहको राजस्व न्यून

तृप्ति शाही

बैतडी — गत आर्थिक वर्षमा जिल्लाका स्थानीय तहहरूले लक्ष्यअनुसारको राजस्व संकलन गर्न सकेनन् । जिल्लामा ४ नगरपालिका र ६ गाउँपालिका छन् । 

मेलौली नगरपालिकाले लक्ष्यभन्दा धेरै कम रकम संकलन भएको जनाएको छ । ५९ लाख रुपैयाँ राजस्व उठाउने लक्ष्य लिएकोमा ९ लाख मात्र उठाउन सकेको नगरपालिकाको भनाइ छ । पुर्चौडी नगरपालिकाले २५ लाखको लक्ष्य लिएकोमा पूरा गर्न सकेको छैन । पञ्चेश्वर गाउँपालिकाले ८० लाखको लक्ष्य लिए पनि ६० लाख मात्र राजस्व संकलन गर्न सकेको छ ।

दशरथचन्द नगरपालिकाले ०७५/७६ मा ७३ लाख संकलनको लक्ष्य निर्धारण गरेको थियो । त्यसमध्ये ४६ लाख १३ हजार मात्र संकलन गरेको छ । डिलाशैनी गाउँपालिकाले २६ लाख ६० हजारको लक्ष्य लिएको थियो । त्यसमध्ये वर्षभरिमा ७ लाख ८७ हजार संकलन गरेको लेखापाल भानदेव जोशीले बताएका छन् ।

यस्तै विकट मानिने सिगास गाउँपालिकाले ३० लाख राजस्व संकलनको लक्ष्य गत वर्ष लिएको बताएको छ । तर ८ लाख मात्रै राजस्व संकलन गर्न सकेको पालिकाले जनाएको छ । शिवनाथ गाउँपालिकाले १५ लाख राजस्व संकलन गर्ने लक्ष्य लिए पनि १३ लाख मात्र संकलन गरेको छ । दोगडाकेदार गाउँपालिकाले ४४ लाख उठाएको छ । उसले ५५ लाख लक्ष्य निर्धारण गरेको थियो ।

पाटन नगरपालिका भने आफूले निर्धारण गरेको राजस्व लक्ष्यनजिक पुगेको जनाएको छ । स्रोत साधनको अभावले लक्ष्यअनुसारको राजस्व संकलन गर्न नससेको जनप्रतिनिधिहरूको भनाइ छ । जिल्लामा पर्याप्त कर उठाउने स्रोत नहुँदा सोचेअनुरूपको प्रगति हुन नसकेको मेलौली नगरपालिकाका प्रमुख कृष्णसिंह नायक बताउँछन् ।

प्रकाशित : श्रावण २२, २०७६ ०९:३८
प्रतिक्रिया
पठाउनुहोस्

धनगढी विस्फोट : डिस्चार्जलगत्तै सेराला पक्राउ

कान्तिपुर संवाददाता

धनगढी — धनगढी बम विस्फोटनमा घाइते भएका लक्ष्मण सेरालालाई प्रहरीको टोलीले मंगलबार नियन्त्रणमा लिएको छ । नेत्रविक्रम चन्द समूहका कार्यकर्ता रहेका सेरालालाई प्रहरीले अस्पतालबाट डिस्चार्जलगत्तै पक्राउ गरेको हो ।

सख्त घाइते सेरालाको धनगढीस्थित माया मेट्रो अस्पतालमा प्रहरीकै निगरानीमा उपचार भइरहेको थियो । अस्पतालले मंगलबार डिस्चार्ज गरेपछि परिवारले उनलाई ह्विलचियरमा घर लैजाने तयारी गरेका थिए । जिल्ला प्रहरी कार्यालयका डीएसपी दक्षकुमार बस्नेतले सेरालालाई थप सोधपुछका लागि नियन्त्रणमा लिइएको बताए ।

धनगढी ३, चटकपुरस्थित सहिद गेटनजिक रहेको नीलम होटलमा साउन २ गते चन्दका कार्यकर्ता आफैंले बोकेको शक्तिशाली बम विस्फोट भएको थियो । बिस्फोटमा घाइते राम सिंहको उपचारकै क्रममा भोलिपल्ट मृत्यु भएको थियो । सेराला, होटल सञ्चालक केशवराज पाण्डे, जितेन्द्र यादव, मोविन खान भने घाइते भएका थिए ।

प्रकाशित : श्रावण २२, २०७६ ०९:३८
पूरा पढ्नुहोस्
प्रतिक्रिया
पठाउनुहोस्