दुर्घटनामा वडा सदस्यको मृत्यु
बझाङ — जयपृथ्वी नगरपालिका ७ का वडा सदस्य नरेश महरको मोटरसाइकल दुर्घटनामा मृत्यु भएको छ । बिहीबार मोटरसाइकल सिक्ने क्रममा घाइते महरको उपचारको क्रममा मृत्यु भएको हो । वडा नम्बर ७ को से १ ब ११७७ नम्बरको मोटरसाइकल सिक्दै गरेको अवस्थामा दुर्घटना भएको थियो । मृतक महरले बिनाहेलमेट मोटरसाइकल चलाएको प्रहरीको भनाइ छ ।
उनको टाउकोमा गम्भीर चोट लागेको थियो । घाइते महरको थप उपचारका लागि काठमान्डौ लैजान समयमै हेलिकप्टर नपुग्दा मृत्यु भएको आफन्तले दाबी गरेका छन् । महरको शुक्रबार बिहान दाह संस्कार गरिने जयपृथ्वी नगरपालिकाका प्रमुख विरेन्द्र खड्काले बताए ।
प्रतिक्रिया
