मोटरसाइकल दुर्घटनामा एकको मृत्यु
टीकापुर — कैलालीको जानकी गाउँपालिका-७ बेलासपुरमा से २ प ४२४६ नम्बरको मोटरसाइकल शनिबार दुर्घटना हुँदा स्थानीय ३२ वर्षीय रामनारायण चौधरीको मुत्यु भएको छ । टीकापुरबाट जाँदै गर्दा दुर्घटना भएको प्रहरीले जनाएको छ ।
मोटरसाइकल चालक २३ वर्षीय कृष्ण बम गम्भीर घाइते रहेको प्रहरीले जनाएको छ । घाइते बमको टिकापुर अस्पतालमा सामान्य उपचारपछि थप उपचारका लागि नेपालगञ्ज रेफर गरिएको छ । घाइते बमको टाउकोमा चोट लागेको छ ।