उपचारको पर्खाइमा बालबालिका

सुरुमा जेठो छोरीलाई समस्या देखिएको थियो । पछि अरूलाई पनि उस्तै भएको उनले बताए । ‘७ वर्षका भएपछि समस्या सुरु भएको हो,’ उनले भने । बोहरा दम्पतीका २३ वर्षीया छोरी हीरा, १५ वर्षीया छोरी करिश्मा, १० वर्षीय छोरा जयन्त अपांगता भएका छन् । उनीहरूलाई दिन प्रतिदिन समस्या बल्झिने गरेको हो । विस्त्ँँरै शरीरका अंगहरू चल्न छाडेका छन् ।

नेपालका स्थानीय अस्पतालसँगै सीमावर्ती भारतका अस्पतालहरूमा उपचार गराउन लैजादा पनि रोग पत्ता लाग्न नसकेको उनको भनाइ छ । पूर्णबहादुरले भने, ‘आर्थिक अवस्था कमजोर भएकाले राम्रो ठाउँमा उपचार गर्न सकिएन ।’ आफूहरूले किन्न सकेको औषधि मात्र सेवन गराइरहेको देवकीले बताइन् । ‘सुविधासम्पन्न अस्पतालमा लिएर उपचार गराउन पाए सञ्चो हुन्थ्यो कि भन्ने लाग्छ, तर आर्थिक अवस्था छैन,’ उनले भनिन् ।

अहिलेकै औषधि किन्न पनि रकम जुटाउन धौधौ हुने उनको भनाइ छ । सानो पसल गरेर सबै खर्चको जोहो गर्नुपर्ने बाध्यता रहेको बताउंदै उनले भनिन्, ‘अरू काममा हुदा छोराछोरीको स्याहार गर्दिने कोही हुँदैन । उनीहरू आफैं राम्रोसँग हल्लिन पनि सक्दैनन् ।’ अपांगतामैत्री घर नहुँदा थप समस्या रहेको उनी बताउछन् ।