किशोरी बलात्कार र हत्या प्रकरण : कञ्चनपुरमा बन्द आह्वान

बिहान आंशिक रुपमा यातायात चलेपनि दिउँसो देखि यातायात पूर्ण रुपमा बन्द भएको छ । महेन्द्रनगर बजार क्षेत्र पनि दिनभर बन्द रहेको छ । विद्यार्थीहरुले निर्मलालाई न्याय दिनुपर्ने भन्दै नारावाजी र जुलुश समेत निकालेका छन् । नेविसंघले बिहीबारदेखि आन्दोलन सुरु गरेको हो ।

बिहीबार महेन्द्रनगर बजारमा विरोध जुलुश निकालिएको थियो । शुक्रबार यहाँका सरकारी कार्यालय र सरकारी सवारी साधन बन्द गरिएको हो । सरकारी कार्यालय बन्द गराउने क्रममा नेविसंघका ४ जना घाइते भएको नेविसंघका निवर्तमान उपाध्यक्ष केशव जोशीले बताए । उनीहरुले शनिबार कञ्चनपुर बन्द गराएका हुन् ।

नेविसंघसँगै बिभिन्न आमा समूह र स्थानीयले पनि दोषी पत्ता लगाउनुपर्ने माग गर्दै दैनिक रुपमा नारा, जुलुश लगायतका प्रदर्शनहरु गर्दै आएका छन् ।