कारबाही माग गर्दै टीकापुर बजार बन्द
टीकापुर — टीकापुरमा बिहीबार राती भएको युवकको हत्यामा संलग्नलाई कारबाही माग गर्दै शनिबार टीकापुर बजार बन्द गरिएको छ ।
होली खेलिरहेका बेला २२ वर्षीय कर्ण थापाको धारिलो हतियार प्रयोग गरी हत्या भएको थियो । घटनाको छानबिन र संलग्नलाई कारवाही माग गर्दै बजार बन्द गरिएको हो ।
मृतकका आफन्तले इलाका प्रहरी कार्यालय अगाडि धर्ना दिइरहेका छन् । घटनामा संलग्न रहेको आशंकामा १४ जनालाई नियन्त्रणमा लिएर छानबिन भइरहेको प्रहरीले जनाएको छ ।