पहिरोका कारण ७ घर विस्थापित

गाउँमाथि रहेको सल्लेरी पाखाबाट झरेको पहिरोका कारण उनीहरुका अस्थायी टहरामा पुर्ण क्षति पुगेको हो । गत कार्तिक १७ गतेको भुकम्पका कारण चिरा परेको जमिनमा नै पहिरो आएको स्थानीय सुखद् घर्ती मगरले जानकरी दिए ।

पहिरोका कारण घरसंगै अन्नपात समेत पुरिएको र बर्खे बालीमा समेत क्षति पुगेको उनको भनाइ छ । विस्थापित घरपरिवारलाई त्रिपाल र तत्कालका लागि रासनको व्यवस्था गरेको नगर प्रमुख रवी केसीले बताए ।

‘क्षतिको लेखाजोखा गर्दैछौं । पीडितहरुलाई वडा कार्यालय मार्फत सुरक्षित ठाउँमा स्थानान्तरण तथा तत्काल आवश्यक सामग्रीहरु प्रदान गरिएको छ,' उनले भने ।