वीरेन्द्रनगर — कर्णाली प्रदेश सरकारको नीति तथा कार्यक्रम आइतबार प्रस्तुत हुँदैछ । आर्थिक वर्ष २०८०/०८१ को नीति तथा कार्यक्रम प्रदेश सभामा प्रस्तुत हुने भएको हो ।
प्रदेश प्रमुख तिलक परियारले अपराह्न ३ बजे संसदमा नीति तथा कार्यक्रम प्रस्तुत गर्ने तयारी भएको सरकारका प्रवक्ता एवंम् आन्तरिक मामिला तथा कानुनमन्त्री कृष्णबहादुर जिसीले बताए ।
उनका अनुसार नीति तथा कार्यक्रम मन्त्रिपरिषदबाट पारित भइसकेको छ ।