कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

सल्यानमा जिप र मोटरसाइकल ठोक्किँदा तीन घाइते

विप्लव महर्जन

सल्यान — सल्यानमा मोटरसाइकल र जिप एक आपसमा ठोक्किँदा तीन जना घाइते भएका छन् । जसमध्ये दुईको अवस्था जटिल रहेको छ । जिल्लाको छत्रेस्वरी गाउँपालिका-६ लान्तीस्थित राप्ती राजमार्गमा दाङदेखि श्रीनगर आउँदै गरेको बा १६ च ६९४ नम्बरको स्कारपियो जिप र विपरीत दिशाबाट गइरहेको रा १ प ९९०९ नम्बरको मोटरसाइकल बुधबार दिउँसो ३ बजेतिर आपसमा ठोक्किएको हो ।

सल्यानमा जिप र मोटरसाइकल ठोक्किँदा तीन घाइते

दुर्घटनामा मोटरसाइकलमा सवार चालक शारदा नगरपालिका-१ श्रीनगरका वर्ष २६ का सुमन गिरी, वर्ष १९ की उमा विष्ट र जिप चालक दाङको बबई गाउँपालिका-४ बस्ने वर्ष ३४ का गजराज बलाम घाइते भएका प्रहरीले जनाएको छ ।

मोटरसाइकलमा सवार चालक गिरी र विष्टको अवस्था जटिल रहेको जिल्ला प्रहरी कार्यालय सल्यानका प्रहरी प्रवक्ता गोपाल श्रेष्ठले बताए । घाइते सबैको परोपकार अस्पताल श्रीनगरमा उपचार भइरहेको उनले जनाए । उनका अनुसार जिपसँग ठोक्किँएको मोटरसाइकल सडकदेखि ५० मिटर तल खसेको थियो । मोटरसाइकल घटनास्थलमै रहेको र जिप नियन्त्रणमा लिएर ईप्रका शीतलपाटीमा राखिएको छ । घटनाको थप अनुसन्धान भइरहेको उनले बताए

प्रकाशित : जेष्ठ १०, २०८० १६:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?