कर्णाली प्रदेशसभाको बैठक बस्दै
वीरेन्द्रनगर — दुई महिनापछि आज कर्णाली प्रदेशसभाको बैठक बस्दैछ । गत माघ ६ गते प्रदेशसभाको बैठक स्थगित भएको थियो ।
प्रदेशसभा सचिवालयका सचिव जीवराज बुढाथोकीले प्रदेशसभा बैठक आज दिउँसो ३ बजे बस्न लागेको जानकारी दिए । बैठकको विषयमा १ बजे बस्ने सर्वदलीय बैठकले निर्णय गर्नेछ ।
यसअघि पुस १८ गते प्रदेशसभाको पहिलो बैठक बसेको थियो । प्रदेशसभा बैठकले सभामुख र उपसभामुख चयन गरेको थियो । यस्तै, माघ ६ गते मुख्यमन्त्री राजकुमार शर्माले संसद्बाट विश्वासको मत लिएका थिए ।
प्रकाशित : चैत्र १२, २०७९ ११:१७प्रतिक्रिया
