एकीकृत समाजवादीका जिल्ला अध्यक्ष र माओवादी केन्द्रका प्रदेश सदस्य एमाले प्रवेश
रुकुम पश्चिम — नेकपा एकीकृत समाजवादीका जिल्ला अध्यक्ष हरिप्रसाद शर्मा र नेकपा माओवादी केन्द्रका कर्णाली प्रदेश सदस्य गंगाराम चनारासहित विभिन्न पार्टीबाट ९ जना नेता कार्यकर्ताहरू एमालेमा प्रवेश गरेका छन् ।
एमाले रुकुम पश्चिमका अध्यक्ष नन्दराम देवकोटाले दिएको जानकारीअनुसार शर्मा र चनारासँगै माओवादी केन्द्रबाट गणेश विक (चिन्तन), जिल्ला समन्वय समिटी सदस्य सुनिता चनारा, तिलक बस्नेत, गोरखबहादुर कामी र मीना मल्लले एमाले प्रवेश गरेका छन् । साथै नेकपा विप्लवबाट पनि असल क्षेत्री र कपिल विक एमालेमा आएको देवकोटाले जानकारी दिए ।
मंगलबार नेपालगञ्जमा एक कार्यक्रम आयोजना गरी एमालेका महासचिव शंकर पोखरेलले नवप्रवेशीहरुलाई स्वागत गरेको एमाले रुकुम पश्चिमले जनाएको छ ।
प्रकाशित : चैत्र ८, २०७९ ०७:५७प्रतिक्रिया