रूकुमेली क्याम्पसमा नेविसंघ विजयी

चैत्र ५, २०७९महेश केसी

रूकुम पश्चिम — रुकुम पश्चिमको सदरमुकाम मुसीकोटमा रहेको रुकुमेली क्याम्पसमा आज भएको स्वतन्त्र विद्यार्थी युनियनको निर्वाचनमा नेपाल विद्यार्थी संघका अनिशेष केसी नेतृत्वको प्यानल विजयी भएको छ ।

त्रिभुवन विश्वविद्यालय अन्तर्गतको यस क्याम्पसमा कुल २ सय ४० मतदातामध्ये १ सय ७२ मत खसेको थियो । यसमध्ये केसी ६५ मत ल्याएर बिजयी हुँदा निकटतम् प्रतिद्वन्द्वीका रूपमा रहेका अनेरास्ववियूकी भावना शर्माले ४४ मत प्राप्त गरेको निर्वाचन समितिले जनाएको छ ।

सचिवमा नेविसंघका सन्तोष खड्का, कोषाध्यक्षमा नेविसंघकै शिव खड्का विजयी भएका छन् । साथै सदस्यहरूमा नेविसंघका ३ र अखिल (क्रान्तिकारी)का २ जना विजयी भएका छन् ।

प्रकाशित : चैत्र ५, २०७९ २०:४२

प्रतिक्रिया