कर्णालीमा माओवादीले प्रमुख सचेतक र सचेतक छान्यो
वीरेन्द्रनगर — नेकपा माओवादी केन्द्रले कर्णाली प्रदेशमा प्रमुख सचेतक र सचेतक छनोट गरेको छ । नेकपा माओवादी केन्द्र संसदीय दल कर्णाली प्रदेशको प्रमुख सचेतकमा रणसिंह परियार नियुक्त भएका छन् ।
यस्तै माओवादीले सचेतकमा मिलन खड्कालाई नियुक्त गरेको छ । कर्णालीका दुई ठूला दल नेपाली कांग्रेस र नेकपा एमालेले भने प्रमुख सचेतक र सचेतकको टुंगो लगाएका छैनन् ।
परियार हुम्लाबाट प्रतिनिधित्व गर्ने सांसद हुन् भने खड्का रुकुम पश्चिमबाट प्रतिनिधित्व गर्ने सांसद हुन् ।
प्रकाशित : फाल्गुन ११, २०७९ १५:३८प्रतिक्रिया