फरेस्टरसहित ६ जनाविरुद्ध भ्रष्टाचार अभियोगमा मुद्दा दर्ता

सबडिभिजन वन कार्यालय कालिमाटीका फरेस्टर बुढाथोकीसहित सहायक वन अधिकृत मनोज शर्मा लम्साल, महिला सामुदायिक वन उपभोक्ता समितिका अध्यक्ष भीमबहादुर कुँवर, कोषाध्यक्ष जुद्धकुमारी ओली, सचिव पुष्पा ओली खासु मगर र दुर्गा ट्रेडर्स एन्ड सप्लायर्सका सञ्चालक दुर्गाप्रसाद ओलीविरुद्ध अख्तियारले विशेष अदालतमा मुद्दा दायर गरेको हो ।

तुलसीपुर–पुरन्धारा–बोटेचौर सडकखण्ड स्तरोन्नति गर्ने क्रममा काटिएका सामुदायिक वनका रुख बिक्री गरी अनियमितता गरेको अख्तियारको आरोपपत्रमा उल्लेख छ ।

अख्तियारले उनीहरूलाई १ लाख ८७ हजार ८ सय ७७ रुपैयाँदेखि २ लाख ६८ हजार ५ सय ६१ रुपैयाँसम्म बिगो भराउन माग गरेको छ ।