१९.१२°C काठमाडौं
काठमाडौंमा वायुको गुणस्तर: १७०
विश्व सिमसार दिवस

४७ वर्षदेखि उस्तै रारा निकुञ्ज

राजबहादुर शाही

मुगु — रारा राष्ट्रिय निकुन्ज स्थापना भएको ४७ वर्षसम्म पनि उस्तै छ । न त पूर्वाधार बनेका छन्‚ न त पर्यटकीय आगमनमा वृद्धि हुन सकेको छ । रारा छाप्रु, गाउँका रैथाने शाहवंशलाई बाँके चिसापानीगाबर सारेर वन्यजन्तु संरक्षण तालको सुरक्षाका लागि २०३२ सालमा रारा राष्ट्रिय निकुन्ज घोषणा भएको ४७ वर्षसम्म पनि यसको कुनै रुप फेरिएको छैन । 

४७ वर्षदेखि उस्तै रारा निकुञ्ज

रारामा केबुलकार बन्ला, ठूलठूला होटल निर्माण होलान्‚ ताल वरिपरि बिजुली झिलिमिली होला‚ जताततै विदेशी पर्यटक घुमेको देखिएला भन्ने स्थानीयको आशा अहिले निराशामा परिणत भएको छ ।

२०६३ साल असोज १० गते रारा सिमसार सूचीमा सूचीकृत भएको हो । सोही सालमै रारा मध्यवर्ती घोषणा गरिएको थियो । कागजी रुपमा राराको रुप बदलिएको तर वास्तविक राराको मुहार भने नफेरिएको रारा मुर्मा गाउँका बिर्खबहादुर रोकायाले बताए ।

मध्यवर्ती घोषणा भएको १६ वर्षसम्म पनि स्थानीयले कुनै लाभ र विकासको अनुभव गर्न नसकेको उनको भनाइ छ । २०३२ सालदेखि २०५० सालको अवधिसम्म रारामा मौसमअनुकूल विभिन्न प्रजातिका प्राकृतिक फूलहरू फुलेर रमणीय देखिन्थ्यो तर पछिल्लो पटक बिस्तारै उक्त फूलहरू लोप हुँदै गएका छन् ।

२०३२ सालसम्म रारा वन जंगल क्षेत्रमा प्रशस्तै देखिने डाँफे, कालिज, ढुकुर, कोइली, च्याखुरा, चिर कालिज, तिथ्रालगायत चराहरू पनि हराउँदै गएका छन् ।

प्रकाशित : माघ १९, २०७९ १२:३४
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?