कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १५७

मुगुका दुवै प्रदेश सांसद बने मन्त्री 

राजबहादुर शाही

मुगु — जिल्लास्थित प्रदेश १ र २ बाट निर्वाचित सांसद एकै पटक कर्णाली प्रदेश सरकारको मन्त्रीमा नियुक्ति भएका छन् । प्रदेश १ मा एमालेबाट निर्वाचित जीतबहादुर मल्ल उद्योग, पर्यटन तथा वातावरण र प्रदेश २ मा माओवादी केन्द्रबाट निर्वाचित मंगलबहादुर शाही भौतिक पूर्वाधार, उर्जा तथा जलस्रोत मन्त्री बनेका हुन् । 

मुगुका दुवै प्रदेश सांसद बने मन्त्री 

गत मंसिर ४ गते सम्पन्न प्रदेश र संघको निर्वाचनमा शाही गठबन्धनको तर्फबाट र मल्ल एमालेबाट विजयी भएका थिए । शाहीले गत पुस २८ गते नै प्रदेश प्रमुखबाट शपथ लिइसकेका थिए । उनी मुख्यमन्त्री नियुक्त हुँदाखेरी नै विनाविभागीय मन्त्रीमा नियुक्त भएका थिए । मल्लले भने आजै प्रदेश प्रमुखबाट शपथ लिएका हुन् ।

संघीय व्यवस्था लागू भएपछि हिमाली जिल्ला मुगुबाट प्रदेश सांसद निर्वाचित फरक पार्टीका दुई जना एकै पटक मन्त्री भएको पहिलो रेकर्ड हो ।

दुई जना मन्त्री बनेपछि मुगुवासीमा खुसीयाली छाएको छ । विकासमा पछि परेको हाम्रो मुगुमा प्रदेश सांसद दुवै एकै पटक मन्त्री हुँदा खुसी हुनु पर्ने अवस्था आएको नागरिक अगुवा रुपबहादुर मल्ल बताउँछन् । उनले भने, 'अब प्रतिस्पर्धा रुपमा दुवै प्रदेशमा विकास हुनु पर्‍यो ।'

उद्योग, पर्यटन तथा वातावरण मन्त्रीमा नियुक्त भएका मल्ल एमाले पार्टीका जिल्ला कमिटी अध्यक्ष हुन् भने भौतिक पूर्वाधार, उर्जा तथा जलस्रोत मन्त्री बनेका शाही माओवादी केन्द्रका जिल्ला अध्यक्ष हुन् ।

प्रतिनिधिसभा सदस्यमा भने मुगुबाट कांग्रेसका ऐनबहादुर शाही सांसद छन् ।


प्रकाशित : माघ ११, २०७९ १९:३५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?