सुर्खेतको पन्चपुरीका लेखा अधिकृतसहित ४ जनाविरूद्व भ्रष्टाचार मुद्दा- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सुर्खेतको पन्चपुरीका लेखा अधिकृतसहित ४ जनाविरूद्व भ्रष्टाचार मुद्दा

तृप्ति शाही

वीरेन्द्रनगर — सुर्खेतको पञ्चपुरी नगरपालिकाका लेखा अधिकृतसहित ४ जनाविरूद्व भ्रष्टाचारको मुद्दा दायर भएको छ । अख्तियार दुरुपयोग अनुसन्धान आयोगले लेखा अधिकृत मोहनबहादुर बुढासहित होटल सञ्चालक र अन्य २ जना कर्मचारीले कसुर गरेको आरोपमा बुधबार विशेष अदालतमा मुद्दा दायर गरेको हो ।

अख्तियारका प्रवक्ता श्यामप्रसाद भण्डारीका अनुसार न्यू रामजाली फ्रेस ढावा तन्दुरी सेन्टर एण्ड होटलका सञ्चालक भविलाल राम्जाली, नगरपालिकाका अधिकृत छैठौं लालबहादुर सुवेदी, शिक्षा शाखा अधिकृत तुलसी केसीले लेखा अधिकृतलाई किर्ते बिल बनाउन सहयोग गरेको आरोप छ । उनीहरुविरुद्ध दुई लाख ६२ हजार ५०२ रुपैयाँ बिगो, जरिवाना र कैद सजायको मागदाबी गरिएको छ ।


प्रकाशित : माघ ११, २०७९ १७:२५
प्रतिक्रिया
पठाउनुहोस्

कांग्रेस सधैं आफू सरकारमा सहभागी हुनुपर्छ भन्ने मान्यता राख्छ : ओली

कान्तिपुर संवाददाता

काठमाडौँ — सत्तारुढ दल नेकपा (एमाले)का अध्यक्ष केपी शर्मा ओलीले नेपाली कांग्रेसले आफ्नो पार्टी सधैं सरकारमा सहभागी हुनुपर्छ भन्ने मान्यता राख्ने गरेको आरोप लगाएका छन् । 

ललितपुरको च्यासलस्थित पार्टी केन्द्रीय कार्यालयमा पार्टी स्कुल विभागद्वारा आयोजित विशेष अनुशिक्षण कार्यक्रममा बोल्दै अध्यक्ष ओलीले कांग्रेस आफू ‘सरकारमा सहभागी भए भइगो नि’ भन्ने एउटा मात्रै सूत्र लिएर हिँड्ने गरेको बताए ।

कांग्रेसले देशबारे चर्चा र चिन्ता गर्न कहिल्यै पनि आवश्यक नठानेको भन्दै उनले कांग्रेसले भन्ने गरेको लोकतन्त्र र विकास भनेको व्यक्तिगत विकास मात्रै भएको आरोप लगाए ।

उनले भने, ‘कांग्रेसले देशको बारेमा चर्चा गर्नु, चिन्ता गर्नु आवश्यक नै ठानेन । नेपाली कांग्रेसको एउटा मात्रै सूत्र छ- आफू सरकारमा हुनुपर्छ भइगो नि । त्यही हो लोकतन्त्र । त्यही हो विकास । नेपाली कांग्रेसको सरकार । देशमा लोकतन्त्र, देशमा विकास । त्यही हो । यदि देशमा सरकार कांग्रेसको छ भने विकास कस्तो हुन्छ ? अर्थतन्त्र ध्वस्त भए पनि केही छैन । विकास हुनुपर्नेको भएकै छ । त्यही हो विकास । यस्तोमा बोल्न नसक्ने अभिशप्त एउटा जमात हुन्छ ।’

ओलीले केही पार्टीहरू सामाजिक असन्तुष्टिलाई उपयोग गर्न आएको भन्दै उनीहरूको राजनीति टिकाउ नहुने धारणासमेत राखे । मौसमी खालका कुरा गर्ने, सामाजिक असन्तुष्टिलाई उपयोग गरेर आउने पार्टीहरू स्थायी रुपमा रहन नसक्ने उनले बताए । ओलीले भने, ‘यो पार्टी दलबल गरेर केही प्राप्त गर्ने, प्राप्त गरेको चिजलाई बाँडीचुँडी खाने, मिलिजुली खाने यस्तो पार्टी होइन । यो दलबल गर्ने यस्तो चिज होइन । विचार, उद्देश्यमा संगठित हुने हो ।’

कतिपय पार्टीलाई आफ्नो पार्टी केका लागि खुलेको भन्ने विषय नै थाहा नहुने भन्दै उनले भने‚ ‘उनीहरूको गन्तव्य के हो त ? सामाजिक असन्तुष्टिलाई उपयोग गर्ने । समाजमा असन्तुष्टि बढ्यो । त्यसकारण त्यसलाई उपयोग गरेर जाने । कोही एउटा मौसमी खालका कुराहरूबाट ह्वात्त आउने । यस्ता कुराहरू राजनीतिमा देखापर्छन् । तर‚ ती स्थायी हुँदैनन् ।’

प्रकाशित : माघ ११, २०७९ १७:१८
पूरा पढ्नुहोस्
प्रतिक्रिया
पठाउनुहोस्
×