कर्णालीका मुख्यमन्त्री शर्माद्वारा मन्त्रिपरिषद्‌मा कार्यविभाजन- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

कर्णालीका मुख्यमन्त्री शर्माद्वारा मन्त्रिपरिषद्‌मा कार्यविभाजन

नवनियुक्त मन्त्रीहरुको आजै शपथ
ज्योति कटुवाल

सुर्खेत — कर्णाली प्रदेशका मुख्यमन्त्री राजकुमार शर्माले मन्त्रिरिषद्‌मा कार्यविभाजन गरेका छन् । मुख्यमन्त्री शर्माले बुधबार मन्त्रीहरु नियुक्ति, जिम्मेवारी हेरफेरका लागि प्रदेश प्रमुख तिलक परियारसमक्ष सिफारिस गरेका हुन् । 

नवनियुक्त नियुक्त मन्त्रीहरुको आजै साँझ ६ बजे पद तथा गोपनीयता शपथग्रहण हुने मुख्यमन्त्री तथा मन्त्रिपरिषद्‌को कार्यालले जनाएको छ ।

मुख्यमन्त्री शर्मा पुस २८ मा नियुक्त भएका थिए । उनीसँगै माओवादी केन्द्रबाट मुगुका मंगलबहादुर शाही र एमालेबाट दैलेखका विनोदकुमार शाह बिनाविभागीय मन्त्री बनेका थिए । शर्मा माओवादीका १३, एमालेका १०, राप्रपा र एकीकृत समाजवादीका १/१ गरी जम्मा २५ जना सांसदको समर्थनमा मुख्यमन्त्री बनेका थिए । नवगठित मन्त्रिपरिषद् महिला र दलितविहीन बनेको छ ।

एमालेबाट

विनोदकुमार शाह : आर्थिक मामिला तथा योजनामन्त्री

टेकराज पछाई : सामाजिक विकासमन्त्री

जीतबहादुर मल्ल : उद्योग, पर्यटन, वन तथा वातावरणमन्त्री

माओवादी केन्द्रबाट

मंगलबहादुर शाही : भौतिक पूर्वाधार, उर्जा तथा जलस्रोतमन्त्री

कृष्ण जिसी : आन्तरिक मामिला तथा कानुनमन्त्री

भीमप्रकाश शर्मा : भूमि, व्यवस्था कृषि तथा सहकारीमन्त्री

प्रकाशित : माघ ११, २०७९ १७:१४
प्रतिक्रिया
पठाउनुहोस्

निफले तोड्यो परम्परा, महोत्सवका सबै फिल्म क्यूएफएक्समा देखाइने 

कान्तिपुर संवाददाता

काठमाडौँ — छैठौं नेपाल अन्तर्राष्ट्रिय चलचित्र महोत्सव (निफ)ले अभ्यासरत प्रदर्शनका शैलीलाई तोड्दै हलमै फिल्म देखाउने भएको छ । मल्टिप्लेक्स हलहरुको ठूलो चेन संस्था क्यूएफएक्समा ३५ देशबाट छनोट गरिएका ९५ फिल्मलाई सहभागीहरुले हेर्न पाउने भएका छन् ।  

ठमेलको छायाँ सेन्टर, सिभिल मल, ललितपुरको लबिम र भक्तपुरको क्यूएफएक्समा फिल्महरु देखाइने बताइएको छ । अन्य ठूला अन्तर्राष्ट्रिय महोत्सवमा अभ्यासरत हलमा फिल्म देखाउने शैलीलाई अपनाउने जोखिम आफूहरुले मोलेको निफका अध्यक्ष केपी पाठकले बताए ।

'हामी हरेक वर्ष केही न केही घाटा बेहोरेर महोत्सव आयोजना गर्दै आइरहेका छौं । फिल्मकर्मीले हाम्रो काम र मिहिनेत देखेर गरिदिने प्रशंसा नै यस्ता महोत्सव गर्ने उर्जा हो । आर्थिकरुपले सहयोग गर्ने मौका अझै छ, सम्बन्धित निकायलाई हामीसँग जोडिन आह्वान गर्न चाहन्छु,' बुधबार आयोजना गरिएको पत्रकार सम्मेलनमा पाठकले भने, 'यस पटक हामीले हलमा महोत्सवका फिल्महरु देखाउने जोखिम मोलेका छौं । यसअघि पर्यटन बोर्ड र सभागृहमा फिल्महरु देखान्थ्यो । त्यसरी देखाउँदा कति फिल्मकर्मीले ती हलमा राम्रो साउन्ड नै नसुनिएको कुरा गर्थे । अब हलमा त्यस्तो समस्या हुँदैन ।'

विश्वभरीका कथाहरुको उत्सव नेपाल अन्तर्राष्ट्रिय चलचित्र महोत्सवको नारा बोकेर यो महोत्सव चैत्र २ देखि ६ सम्म आयोजना हुनेछ । कोभिड १९ ले महोत्सवको चौथौं र पाँचौं संस्करणलाई असर गरेको थियो । ५५ देशबाट आवेदन परेका ५ सय बढी फिल्मबाट अन्तिम ३५ छनौट गरिएको हो । महोत्सवमा देखाइएका लामा-छोटा फिल्म, डकुमेन्ट्री र एनिमेसन देखाइनेछन् । फिल्मकर्मी र कलाकारहरुको सहभागितामा विविध कार्यशाला, अन्तरक्रिया र छलफल कार्यक्रम हुनेछ ।

त्यस्तै प्रदर्शनमा आएका फिल्महरुलाई ७ विधामा १४ पुरस्कार पनि वितरण गरिनेछ । क्यूएफएक्सकी प्रशंसा पाण्डे निफलाई अन्य अन्तर्राष्ट्रिय महोत्सवका रुपमा विकास गर्न आफूहरुले साथ र सहयोग गर्ने बताइन् ।

'हामी सुन्छौं कान्स, बर्लिन फिल्म फेस्टिभलहरु । विश्वका यस्तै प्रख्यात फिल्म फेस्टिभलका रुपमै निफ विकसित हुँदै जाओस् भन्ने हेतुले हामीले यो महोत्सवलाई सहयोग गर्ने सोचेका हौं,' उनले भनिन् ।

प्रकाशित : माघ ११, २०७९ १६:५९
पूरा पढ्नुहोस्
प्रतिक्रिया
पठाउनुहोस्
×