कर्णालीमा मन्त्रालय भागबन्डा : माओवादी ४, एमालेलाई ३- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

कर्णालीमा मन्त्रालय भागबन्डा : माओवादी ४, एमालेलाई ३

ज्योति कटुवाल

सुर्खेत — कर्णाली प्रदेशमा नेकपा माओवादी केन्द्र र नेकपा एमालेबीच मन्त्रालयको भागबन्डामा सहमति जुटेको छ । सत्ता गठबन्धन दलहरूबीच मंगलबार बसेको बैठकले मन्त्रालय भागबन्डा टुंगो लगाएको हो ।

सहमति अनुसार माओवादी केन्द्रलाई मुख्यमन्त्रीसहित ४ मन्त्रालय र एमालेको भागमा आर्थिक मन्त्रालयसहित ३ मन्त्रालय परेको छ ।

माओवादी केन्द्र :

१) मुख्यमन्त्री तथा मन्त्रिपरिषद्‍को कार्यालय

२) भौतिक पूर्वाधार तथा सहरी विकास मन्त्रालय

३) आन्तरिक मामिला तथा कानुन मन्त्रालय

४) भूमि, व्यवस्था, कृषि तथा सहकारी विकास मन्त्रालय

एमाले :

१) आर्थिक मामिला तथा योजना मन्त्रालय

२) सामाजिक विकास मन्त्रालय

३) उद्योग, पर्यटन, वन तथा वातावरण मन्त्रालय

प्रकाशित : माघ १०, २०७९ १८:५५
प्रतिक्रिया
पठाउनुहोस्

गण्डकी सरकारले पायो पूर्णता

मंगलबार थपिएका तीन मन्त्रीले शपथग्रहण गरेसँगै गण्डकीको मन्त्रिपरिषद्‍ ७ सदस्यीय बनेको छ
प्रतिक्षा काफ्ले

पोखरा — गण्डकी प्रदेश सरकारले पूर्णता पाएको छ । मंगलबार थप तीन जनालाई मन्त्रीमा नियुक्त गरेसँगै गण्डकी सरकारले पूर्णता पाएको हो । 

मंगलबार मन्त्रीमा नियुक्त भएका तीन जनामध्ये नेकपा एमालेका रोशनबहादुर गाहा थापा र बेदबहादुर गुरुङ हुन् । त्यस्तै माओवादी केन्द्रबाट रेशम बहादुर जुग्जाली मन्त्रीमा नियुक्त भएका हुन् ।

तीनै जनाले मंगलबार नै प्रदेश प्रमुख पृथ्वीमान गुरुङबाट पद तथा गोपनीयताको शपथग्रहण गरेका हुन् । यससँगै गण्डकीमा मन्त्रिपरिषद्‍को संख्या ७ सदस्यीय पुगेको छ ।

प्रकाशित : माघ १०, २०७९ १८:४६
पूरा पढ्नुहोस्
प्रतिक्रिया
पठाउनुहोस्
×