कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: २४४

चिल ठोक्किएर क्षति पुगेको तारा एयरको जहाज मर्मत सुरु

जनकबहादुर शाही

हुम्ला — बुधबार मध्याह्न चिलसँग ठोक्किएर क्षति पुगेको तारा एयरको जहाजको मर्मत कार्य सुरु भएको छ । मर्मतका लागि आएको प्राविधिक टोलीले सिमकोटस्थित ठोक्किएर जहाजको नोजभित्र छिरेको चिल निकालेर क्षति पुगेको भागको मर्मत कार्य सुरु गरिएको हो ।

चिल ठोक्किएर क्षति पुगेको तारा एयरको जहाज मर्मत सुरु

बुधबार सर्केगार्ड र अदानचुली गाउँपालिकाको सिमानामा पर्ने मनेलेक क्षेत्रमा तारा एयरको ट्विनअटर विमान चिलसँग ठोक्किँदा जहाजको अग्र भागमा क्षति भएको थियो । बुधबारदेखि सिमकोट विमानस्थलमै रहेको जहाज मर्मतका लागि काठमाडौंबाटै प्राविधिक जनक तामाङको नेतृत्वमा सात सदस्यीय टोली सिमकोट पुगेको छ ।

जहाज मर्मतमा संलग्न प्राविधिक टोलीले जतिसक्दो चाँडो क्षति पुगेको जहाजको मर्मत कार्य गरी संचालनमा ल्याउने बताएको तारा सिमकोटका स्टेसन इन्चार्ज सरस्वती लामाले बताइन् ।

बुधबार दिउँसो तारा एअरको एन-एकेएल कलसाइन भएको जहाजको टुप्पोमा चिल ठोक्किँदा जहाजमा क्षति पुगेको थियो ।

प्रकाशित : मंसिर २३, २०७९ १६:५७
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?