जुम्लामा जन्ती गएर फर्किएका पुरुषको मृत्यु

मंसिर १७, २०७९डीबी बुढा

जुम्ला — जुम्लामा जन्ती गएर घर फर्कने क्रममा एक जनाको मृत्यु भएको छ । तिला गाउँपालिका-६ का अन्दाजी ४७ वर्षीय देव रावतको लडेर मृत्यु भएको हो ।

जिल्ला प्रहरी कार्यालय जुम्लाका प्रहरी निरीक्षक धर्मराज जोशीका अनुसार मृतक रावतले अत्यधिक मदिरा सेवन गरेको भेटिएको थियो । सँगैका साथीहरु समयमै घर फर्किए पनि उनी नआएपछि खोजी गरिएको थियो । तिला-१ राराको सेरी बजारबाट घर फर्केका रावतको लडेर मृत्यु भएको हो ।