जुम्लामा कैलालीका युवकको मृत्यु

चन्दननाथ नगरपालिका–१ स्थित जुम्ला विमानस्थलको पश्चिमतर्फ तार जालीभित्र टिकापुर नगरपालिका-७ शतिगाउँका अन्दाजी २९ वर्षका रामप्रसाद जैसी बेहोस अवस्थामा भेटिएका थिए । जैसीलाई उपचारका लागि कर्णाली स्वास्थ विज्ञान प्रतिष्ठान जुम्लामा लगिएको थियो । प्रतिष्ठानका डाक्टरले जैसीलाई उपचारमा क्रममा मृत घोषणा गरेको जिल्ला प्रहरी कार्यालय जुम्लाका प्रहरी निरीक्षक धर्मराज जोशीले बताए ।

मृतक युवा जुम्ला घुमफिर गर्न आएको भन्ने बुझिएको प्रहरीले जनाएको छ । प्रहरीले मृत्युका आफन्तलाई खबर भइसकेको जनाएको छ । मृतकको पोस्टमार्टम बाँकी छ । उक्त स्थानमा थप अनुसन्धानका लागि प्रहरी निरीक्षकको कमाण्डमा ७ जनाको टोली खटिएको छ ।