जाजरकोटमा मोटरसाइकलको ठक्करबाट महिलाको मृत्यु- कर्णाली - कान्तिपुर समाचार

जाजरकोटमा मोटरसाइकलको ठक्करबाट महिलाको मृत्यु

कान्तिपुर संवाददाता

जाजरकोट — जाजरकोटमा मोटरसाइकलको ठक्करबाट एक महिलाको ज्यान गएको छ । बिहीबार बिहान सदरमुकामस्थित तल्लो थाप्लेमा पैदल हिँडिरहेकी भेरी नगरपालिका–४ की ६१ वर्षीया विजया शाहीलाई ०२००१ प ७८८६ नम्बरको मोटरसाइकलले ठक्कर दिँदा गम्भीर घाइते भएकी थिइन् ।

शाहीलाई उपचारका लागि नेपालगन्ज लैजाँदै गर्दा बाटोमा मृत्यु भएको जिल्ला प्रहरी कार्यालय जाजरकोटका प्रहरी प्रमुख डिएसपी सन्तोष निरौलाले जानकारी दिए । शाहीलाई विपरीत दिशाबाट आउँदै गरेको मोटरसाइकलले ठक्कर दिएको थियो । मोटरसाइकल भेरी नगरपालिका–३ का २७ वर्षीय विनोद विकले चलाएका थिए ।

चालक र मोटरसाइकललाई प्रहरीले नियन्त्रणमा लिएको छ । शव पोस्टमार्टमका लागि जिल्ला अस्पताल जाजरकोटमा लगिएको प्रहरी प्रमुख डीएसपी निरौलाले बताए ।

प्रकाशित : मंसिर १५, २०७९ २१:३८
प्रतिक्रिया
पठाउनुहोस्

दाहाल र गृहमन्त्री खाँणसँग जनमत पार्टीका अध्यक्ष राउतको भेट

कान्तिपुर संवाददाता

काठमाडौँ — नेकपा (माओवादी केन्द्र) का अध्यक्ष पुष्पकमल दाहाल र गृहमन्त्री बालकृष्ण खाँणसँग जनमत पार्टीका अध्यक्ष सिके राउतले भेटवार्ता गरेका छन् । 

राउतले बिहीबार दाहाल र खाँणसँग छुट्टाछुट्टै भेट गरेका हुन् । त्यसअघि उनले प्रधानमन्त्री शेरबहादुर देउवासहितका कांग्रेसका नेताहरुसँग भेटेर सत्ता गठबन्धनमा सहभागी हुने सहमति जनाएका थिए ।

दाहाललाई भेट्न राउत उनकै निवास ललितपुरको खुमलटार पुगेका थिए । दाहालसँग भेटेर शुभकामना आदानप्रदान गरेको दाहालकी स्वकीय सचिव गंगा दाहालले जनाइन् ।

यस्तै गृहमन्त्री खाँणलाई सरकारी निवास पुल्चोकमा भेट गरेका हुन् । गृहमन्त्री खाँणले सप्तरी क्षेत्र नं २ बाट प्रतिनिधिसभा सदस्यमा निर्वाचित भएकोमा राउतलाई बधाई दिएका थिए ।

दुई नेताबीच मुलुकमा शान्ति, सुशासन र स्थिरतामा कसरी ल्याउन सकिन्छ भन्नेबारे कुराकानी भएको गृहमन्त्री खाँणको सचिवालयले जनाएको छ ।

त्यस्तै आगामी दिनमा सहमति र सहकार्य कसरी गर्न सकिन्छ भन्नेबारे पनि उनीहरुबीच कुराकानी भएको छ ।


प्रकाशित : मंसिर १५, २०७९ २०:५७
पूरा पढ्नुहोस्
प्रतिक्रिया
पठाउनुहोस्
×