जाजरकोटमा मोटरसाइकलको ठक्करबाट महिलाको मृत्यु- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

जाजरकोटमा मोटरसाइकलको ठक्करबाट महिलाको मृत्यु

कान्तिपुर संवाददाता

जाजरकोट — जाजरकोटमा मोटरसाइकलको ठक्करबाट एक महिलाको ज्यान गएको छ । बिहीबार बिहान सदरमुकामस्थित तल्लो थाप्लेमा पैदल हिँडिरहेकी भेरी नगरपालिका–४ की ६१ वर्षीया विजया शाहीलाई ०२००१ प ७८८६ नम्बरको मोटरसाइकलले ठक्कर दिँदा गम्भीर घाइते भएकी थिइन् ।

शाहीलाई उपचारका लागि नेपालगन्ज लैजाँदै गर्दा बाटोमा मृत्यु भएको जिल्ला प्रहरी कार्यालय जाजरकोटका प्रहरी प्रमुख डिएसपी सन्तोष निरौलाले जानकारी दिए । शाहीलाई विपरीत दिशाबाट आउँदै गरेको मोटरसाइकलले ठक्कर दिएको थियो । मोटरसाइकल भेरी नगरपालिका–३ का २७ वर्षीय विनोद विकले चलाएका थिए ।

चालक र मोटरसाइकललाई प्रहरीले नियन्त्रणमा लिएको छ । शव पोस्टमार्टमका लागि जिल्ला अस्पताल जाजरकोटमा लगिएको प्रहरी प्रमुख डीएसपी निरौलाले बताए ।

प्रकाशित : मंसिर १५, २०७९ २१:३८
प्रतिक्रिया
पठाउनुहोस्

नुवाकोटको पञ्चकन्यामा एक पुरुष मृत फेला

कृष्ण थापा

नुवाकोट — पञ्चकन्या गाउँपालिका-३ का एक स्थानीय नालीमा डुबेको अवस्थामा मृत फेला परेका छन् । घरभन्दा केही पर खानेपानी धारा नजिकको नालीमा टाउको घोप्टिएको अवस्थामा अन्दाजी ३५ वर्षीय सरोज तामाङ मृत फेला परेको पञ्चकन्या गाउँपालिकाका अध्यक्ष तेजबहादुर तामाङले जानकारी दिए ।

ती पुरुष भवन निर्माणसम्बन्धी मजदुरी गर्दै आएका थिए ।

शव प्रहरीले पोस्टमार्टमका लागि जिल्ला अस्पताल त्रिशूली पठाएको जनाएको छ ।

प्रकाशित : मंसिर १५, २०७९ २१:३३
पूरा पढ्नुहोस्
प्रतिक्रिया
पठाउनुहोस्
×