कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

खलंगा बजारको ढलको बिजोग

महेश केसी

रूकुम पश्चिम — रूकुम पश्चिमको सदरमुकाम मुसीकोट नगरपालिका–१ खलंगा बजारको ढल बराहटाकुरास्थित टुँडिखेलमा असरल्ल परेको छ ।

खलंगा बजारको ढलको बिजोग

दुईवर्ष अघि संघीय सहरी विकास कार्यालयले बजारभित्रको सडक र ढलको सुधार तथा व्यवस्थापनका लागि काम गरेपनि यो काम भने अधुरै छोडेको १ नं. वडा अध्यक्ष ज्ञानुचन्द्र चन्दले बताए । यो काम सम्पन्न नहुँदा परेको असरप्रति आफूहरू जानकार रहेको र नगरपालिकालाई अवगत गराएको अध्यक्ष चन्दको भनाइ छ ।

दुई वर्षदेखि यसरी नै बगिरहेको फोहोर पानीले खेल मैदान र पिपलनेटा जाने सडकलाई समेत असर गरेको स्थानीय कर्णबहादुर खड्काले गुनासो गरेका छन् । यस विषयमा नगरपालिकाले देखेपनि नदेखेझैं गरेको खड्काको आरोप छ । बर्खामा बजारको भल पनि यही भएर बग्ने गरेकाले झन् ठूलो असर गर्ने गरेको छ ।

यो समस्या समाधानका लागि नगरपालिकाबाट प्रदेश सरकारमा अनुरोध गरेको यदि प्रदेशबाट समाधान नभए नगरले गर्ने वडाअध्यक्ष चन्दले जानकारी दिए ।

प्रकाशित : मंसिर १२, २०७९ ०८:४८
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?