लमजुङमा किशोरी बलात्कारको आरोपमा युवा पक्राउ

प्रहरीका अनुसार ती किशोरी दुईपिप्ले आएको बेला बोटेले फकाई घरमा लगेर करणी गरेको खुलेको छ ।

जिल्ला प्रहरी कार्यालय लमजुङका सूचना अधिकारी इन्स्पेक्टर जगदीश रेग्मीले किशोरीलाई बोटेले दुईपिप्लेस्थित आफ्नो घर लगेको र जबर्जस्ती करणी गरेको प्रारम्भिक अनुसन्धानबाट खुलेको जनाएका छन् । घटना तीजको दिन भएको र थाहा पाएपछि किशोरीका अभिभावकले १५ गते बुधबार उजुरी दिएका थिए । उजुरीका आधारमा बोटेलाई बुधबार नै पक्राउ गरी जिल्ला प्रहरी कार्यालय ल्याइएको थियो ।

किशोरीको स्वास्थ्य परीक्षण गर्नुका साथै सोधपुछ गरी परिवारको जिम्मा लगाएको प्रहरीले जनाएको छ । युवकको पनि स्वास्थ्य परीक्षण गरिएको र कारबाही प्रक्रिया अघि बढाएको प्रहरीले जनाएको छ ।

जिल्ला अदालत लमजुङमा बिहीबार ७ दिन म्याद थप गरी थप अनुसन्धान थालेको प्रहरीले जनाएको छ । मुलुकी अपराध संहिता २०७४ को परिच्छेद १८ को करणीसम्बन्धी कसुरमा मुद्दा दर्ता गरी आवश्यक अनुसन्धान थालिएको प्रहरीले जनाएको छ ।