बँदेलको आक्रमणबाट सुर्खेतमा एकको मृत्यु

प्रदेश प्रहरी कार्यालयका अनुसार उनीसहित २५ वर्षीय बम बहादुर कठायत र बिर्ख बहादुर बुढा खसी खोज्नका लागि हिँडेका थिए ।

सोही वडाको दानीगौडास्थित जंगलमा बिक्रम कठायत शौच गर्न जंगलतिर गएको अवस्थामा जंगली बँदेलले आक्रमण गरेको हो । उनी कराएको आवाज आएपछि साथमा गएका २ जना जंगलतिर गएर हेर्दा बँदेलले आक्रमण गरेको अवस्थामा भेटिएका थिए । उनको घटनास्थलमै मृत्यु भएको बताइएको छ ।

प्रदेश प्रहरी कार्यालयका सूचना अधिकारी माधव प्रसाद श्रेष्ठका अनुसार ढिलो गरी सूचना पाएको र प्रहरीले यसबारे अनुसन्धान गरिरहेको छ ।

कर्णाली प्रदेशका सबैजसो जिल्लामा बँदेलले बालीनाली नोक्सान गर्नुका साथै मानिसलाई पनि आक्रमण गर्ने क्रम बढेको छ ।