सानीभेरी नदीमा युवकको शव भेटियो
रुकुम पश्चिम — सानीभेरी नदीमा एक युवकको शव फेला परेको छ । सानीभेरी गाउँपालिका वडा नम्बर ४ स्थित सानीभेरी नदीको बीच भागमा बनेको टापुमा अन्दाजी ३० वर्षीय युवकको शव भेटिएको जिल्ला प्रहरी कार्यालयले जनाएको छ ।
प्रहरीले नदीको बीचमा रहेको शव निकालेर पोस्टमार्टमका लागि जिल्ला अस्पताल ल्याएको जिल्ला प्रहरी प्रमुख प्रहरी नायब उपरीक्षक विष्णुप्रसाद सोतीले जानकारी दिए ।
घटनाको अनुसन्धान भइरहेको र शवको पहिचान हुन नसकेको प्रहरीले जनाएको छ । शव देखेपछि स्थानीयले प्रहरीलाई खबर गरेका थिए ।
प्रकाशित : भाद्र १, २०७९ १७:५१प्रतिक्रिया
