सानीभेरी नदीमा युवकको शव भेटियो- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सानीभेरी नदीमा युवकको शव भेटियो

हरि गौतम

रुकुम पश्चिम — सानीभेरी नदीमा एक युवकको शव फेला परेको छ । सानीभेरी गाउँपालिका वडा नम्बर ४ स्थित सानीभेरी नदीको बीच भागमा बनेको टापुमा अन्दाजी ३० वर्षीय युवकको शव भेटिएको जिल्ला प्रहरी कार्यालयले जनाएको छ ।

प्रहरीले नदीको बीचमा रहेको शव निकालेर पोस्टमार्टमका लागि जिल्ला अस्पताल ल्याएको जिल्ला प्रहरी प्रमुख प्रहरी नायब उपरीक्षक विष्णुप्रसाद सोतीले जानकारी दिए ।

घटनाको अनुसन्धान भइरहेको र शवको पहिचान हुन नसकेको प्रहरीले जनाएको छ । शव देखेपछि स्थानीयले प्रहरीलाई खबर गरेका थिए ।

प्रकाशित : भाद्र १, २०७९ १७:५१
प्रतिक्रिया
पठाउनुहोस्

मेगा बैंकले ल्यायो ६ गुणासम्म प्रतिफल दिने मुद्दती योजना

कान्तिपुर संवाददाता

काठमाडौँ — मेगा बैंक नेपालले ६ गुणासम्म प्रतिफल दिने म्याजिक मुद्दती योजना सञ्चालनमा ल्याएको छ । बैंकका अनुसार नयाँ योजना अन्तर्गत व्यक्तिगत मुद्दती खाता खोल्ने ग्राहकले ७६ देखि १९६ महिनाभित्रै २ देखि ६ गुणासम्म निक्षेप रकम फिर्ता पाउने छन् ।

संस्थागत मुद्दती खाता खोल्नेले ९३ देखि १८५ महिनाभित्रै २ गुणादेखि ४ गुणासम्म निक्षेप रकम फिर्ता पाउने छन् । त्यसैगरी रेमिट्यान्स मुद्दती खाता खोल्ने ग्राहकले ७० महिनादेखि १८० महिनाभित्र २ गुणादेखि ६ गुणासम्म निक्षेप रकम फिर्ता पाउने बैंकले जनाएको छ । बैंकको यो म्याजिक मुद्दती निक्षेप योजनामा व्यक्तिगत तथा रेमिट्यान्स मुद्दती खाता खोल्ने ग्राहकले १ लाखदेखि माथि र संस्थागत मुद्दती खोल्नेले ५ लाखभन्दा माथिको रकम जम्मा गर्नुपर्नेछ ।


प्रकाशित : भाद्र १, २०७९ १७:४५
पूरा पढ्नुहोस्
प्रतिक्रिया
पठाउनुहोस्
x
×