जाजरकोटमा १५ कांग्रेस नेताविरुद्ध कारबाही तयारी

जसका लागि जिल्ला उपसभापति खडकबहादुर बुढाको संयोजकत्वमा अनुशासन समिति गठन गरिएको थियो । उनले उम्मेदवारसहित वडा र पालिका कार्यसमितिबाट निर्णय भएकाले ती नेताहरूलाई स्पष्टीकरण सोधिएको बताए ।

‘आफूमाथि लागेको आरोप के कस्तो हो वा होइन ? चित्तबुझ्दो जवाफसहित १५ दिनभित्र लिखित जवाफसहित स्वयम् उपस्थित हुन पत्र पठाइएको छ,’ उनले भने । स्पष्टीकरण माग गरिएकामा कर्णाली प्रदेश कार्यसमिति सहमहामन्त्री रामछाया कुमारी, प्रदेश कार्यसमिति सदस्य कमलदीप पुन, भुमबहादुर रोकाय, कुशे–९ का मोतीराम गौतम, जिल्ला सदस्यहरू धनसरा शाही, चित्रबहादुर शाही, कल्दर सिंहसहित १५ जना छन् ।