चट्याङले जुम्लामा ८० भेडा मरे- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

चट्याङले जुम्लामा ८० भेडा मरे

डीबी बुढा

जुम्ला — जुम्लाको पातारासी गाउँपालिका बागजाले पाटनमा चट्याङ लागेर ८० भेडा मरेका छन् । चट्याङबाट पाँच जना कृषकका ८० भेडा मरेका हुन् । ३ सय भेडा हराएका छन् । 

शुक्रबार बेलुकी ३ बजेतिर बागजालेमा परेको चट्याङले पातारासी गाउँपालिका ४ लुम निवासी ५ जना भेडापालक कृषकका भेडाका परेका हुन् । अप्ठ्यारो भिर भएकाले खोजतलास गर्न कठिनाइ भएको पातारासी गाउँपालिका अन्तर्गतको पशु शाखाका प्राविधिक हरि कामीले बताए ।

प्रहरी चौकी डिल्लिचौर प्रमुख बद्री साउदका अनुसार जोरा रोकाया, रामबहादुर रेउले, शंकर नेपाली, धर्म रेउले र मानबहादुर रोकायाका भेडा मरेका हुन् ।

प्रकाशित : असार १८, २०७९ १८:५१
प्रतिक्रिया
पठाउनुहोस्

वाग्मतीले बगाएर दुई भारतीय बेपत्ता

शिव पुरी

रौतहट — रौतहटको चन्द्रपुर १ स्थित पर्यटकीय क्षेत्र नुनथर घुम्न आएका दुई भारतीय युवकहरू शनिबार वाग्मती नदीमा बेपत्ता भएका छन् । उनीहरूसँगै नदीमा परेका एक जनाको उद्धार भएको छ ।

भारतको जिल्ला सीतामडि कोटबजार बस्ने २७ वर्षीय सुमन साह, ३० वर्षीय मयक अग्रवाल र ३० वर्षीय गोलु कुमार बीआर ०१ एचएफ ६६१९ नम्बरको कारमा पर्यटकीय स्थल नुनथर घुम्न आएका थिए। नुनथर क्षेत्र घुमेपछि वाग्मती नदीमा पौडी खेल्न गएका तीनै जनालाई नदीले बगाएपछि दुई जना बेपत्ता भएका हुन् ।

चुरे क्षेत्रमा पानी परेपछि वाग्मतीमा बाढी आएको छ । घटनालगत्तै पौराहीबाट प्रहरी सहायक निरीक्षक गजेन्द्र यादवको नेतृत्वमा उद्धार टोली पुगेको थियो । नदीमा पौडिने क्रममा बेपत्ता भएका सुमनलाई स्थानीयले तत्कालै उद्धार गरेका थिए ।

उनलाई उपचारका लागि स्थानीय अस्पतालमा लगिएको प्रहरीले जनायो । सुमनको अवस्था खतरामुक्त रहेको छ । घटनापछि इलाका प्रहरी चन्द्रनिगाहपुरबाट डीएसपी सन्तु जैसवारको नेतृत्वमा ७ जनाको टोली खोजी कार्यमा जुटेको बताइएको छ ।

डीएसपी जैसवारले मयक र गोलु कुमार बेपत्ता भएको र उनीहरूको खोजी कार्य जारी रहेको बताए । पूर्वपश्चिम राजमार्गबाट एक किलोमिटर उत्तरमा रहेको नुनथर क्षेत्र घुम्न ठूलो संख्यामा भारतीयहरू आउने गर्छन् । तीनै जना घुमघामपछि पौडी खेल्न गएका बेला बेपत्ता भएका हुन् ।

प्रकाशित : असार १८, २०७९ १८:३९
पूरा पढ्नुहोस्
प्रतिक्रिया
पठाउनुहोस्
×