सुर्खेतमा जिप दुर्घटना : एकको मृत्यु, चार घाइते
सुर्खेत — सुर्खेत–दैलेख सडक खण्डस्थित कपासे नजिकै बोलेरो जिप दुर्घटना हुँदा जल तथा मौसम विज्ञान विभाग, कोहलपुरमा कार्यरत ईन्जिनियरका धर्मराज बुढाथेकीको मृत्यु भएको छ । दुर्घटनामा चार जना घाइते भएका छन् ।
पश्चिम रुकुम चौरजहारी निवासी २८ वर्षीय बुढाथोकी दैलेख सुर्खेत सिमाना रातानाङलामा रहेको मौसमी राडारको मर्मत सकेर वीरेन्द्रनगरतर्फ फर्किँदै थिए ।
वा १ झ ८७८४ नम्बरको बोलेरो जिप सडकबाट करिब २० मिटर तल खसेको उद्धारमा संलग्न सशस्त्र प्रहरी बल रक्तकाली गण बांगेसिमलका एसपी बिमल डांगीले बताए ।
प्रहरीका अनुसार घाइतेहरूको कर्णाली प्रदेश अस्पताल कालागाउँमा उपचार भइरहेको छ । ओभर स्पिडका कारण जिप दुर्घटना भएको प्रहरीको प्रारम्भीक अनुसन्धानले देखाए पनि यसबारे थप अनुसन्धान भइरहेको जिल्ला प्रहरी कार्यालय सुर्खेतले जनाएको छ ।
प्रकाशित : असार ८, २०७९ १९:५७प्रतिक्रिया
