सल्यानमा छुट्टाछुट्टै घटनामा दुईको मृत्यु- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सल्यानमा छुट्टाछुट्टै घटनामा दुईको मृत्यु

विप्लव महर्जन

सल्यान — सल्यानमा दुई फरक घटनामा दुई जनाको मृत्यु भएको छ । जिल्लाको दार्मा गाउँपालिका र शारदा नगरपालिकामा दुई जनाको मृत्यु भएको हो ।

दार्मा गाउँपालिका ३ डाँडागाउँमा रुखबाट लडेर ६८ वर्षीय लबे खत्रीको मृत्यु भएको छ । रुखबाट लडेर गम्भीर घाइते भएका लबे खत्रीको उपचारका लागि जिल्ला अस्पताल ल्याउँदै गर्दा बाटैमा मृत्यु भएको थियो ।

यस्तै शारदा नगरपालिका ८ मालडाँडा बस्ने ७३ वर्षीय तेजबहादुर कवर मृत भेटिएका छन् । जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रहरी निरीक्षक अर्जुन पौडेलका अनुसार कवरको लडेर मृत्यु भएको हुनसक्ने आशंका गरिएको छ ।

कवर माघ १६ गतेदेखि घरबाट हराइरहेका थिए । घर नजिकै सडकमा शरीरको केही भाग माटोले पुरिएको अवस्थामा उनको शव भेटिएको थियो । दुबैको जिल्ला अस्पताल सल्यानमा पोष्टमार्टम गरिएको र दुबै घटनाको अनुसन्धान भइरहेको प्रहरीले जनाएको छ ।


प्रकाशित : जेष्ठ ८, २०७९ ०९:३८
प्रतिक्रिया
पठाउनुहोस्

बाग्चौर नगरपालिका प्रमुखमा कांग्रेसका गौतम विजयी

विप्लव महर्जन

सल्यान — जिल्लाको बाग्चौर नगरपालिकामा प्रमुख पदमा कांग्रेसका उमेदवार जनकराज गौतम विजयी भएका छन् । गौतमले ६ हजार २७ मत ल्याएका छन भने निकटतम् प्रतिद्वन्द्वी नेकपा माओवादी केन्द्रका जिल्ला संयोजक रहेका किर्तीबहादुर पुनले ५ हजार ५ सय ९५ मत ल्याए । एमालेका तिलक मल्लले ३ हजार ४ सय २० मत ल्याएका छन ।

यस्तै, उपप्रमुख पदमा भने माओवादी केन्द्रकी उमेदवार सुम्निमा डिसि विजयी भएकी छन् । उनले ६ हजार ६ सय १४ मत ल्याएकी छन् । कांग्रेसकी निकटतम प्रतिद्वन्द्वी दीपा खडकाले ५ हजार २ सय ३४ र एमालेकी भक्तकुमारी बिएमले ३ हजार १ सय ८ मत ल्याएकी छन ।

यसअघि २०७४ को स्थानीय निर्वाचनमा बाग्चौर नगरपालिकामा माओवादी केन्द्रले प्रमुख र उपप्रमुखसहित धेरै वडामा जितेको थियो ।

१२ वडा वडा रहेको नगरपालिकामा वडा अध्यक्षमा एक समाजवादी, दुई एमाले, ६ कांग्रेस र तीनवटा वडामा माओवादी केन्द्रले जितेको छ ।

बाग्चौर नगरपालिकामा २२ हजार २ सय ६४ मतदाता रहेकामा १६ हजार ८१ ले मतदान गरेका निर्वाचन अधिकृत राजेन्द्र प्रसाद पोखरेलले बताए ।

यस्तै, जिल्लाका १० स्थानीयतहमा कांग्रेसले पाँच पालिका जितेको छ । माओवादी केन्द्रले दुई, एमालेले दुई र नेकपा समाजवादीले एक पालिका जितेको छ ।

०७४ को स्थानीय निर्वाचनमा कांग्रेसले तीन, माओवादीले तीन र एमालेले चार पालिका जितेको थियो ।

प्रकाशित : जेष्ठ ५, २०७९ १७:१६
पूरा पढ्नुहोस्
प्रतिक्रिया
पठाउनुहोस्
×