पहिरोले छिन्चु-चौरजहारी सडक १९ घन्टादेखि अवरुद्ध- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

पहिरोले छिन्चु-चौरजहारी सडक १९ घन्टादेखि अवरुद्ध

विप्लव महर्जन

सल्यान — भीरबाट खसेको पहिरोका कारण छिन्चु–जाजरकोट–चौरजहारी सडक अवरुद्ध भएको छ । गत राति परेको वर्षासँगै सल्यानको सिमाना पर्ने बोटेचौर सल्लीबजार सडक खण्डका पोखरे, धागेचरी, कुरिल्ले र जुम्ली भीरका विभिन्न ठाउँमा पहिरो गएको छ ।

पहिरोका कारण सडक १९ घन्टादेखि अवरुद्ध भएको हो । वर्षाका कारण सडक अवरुद्ध हुँदा दर्जनौं सवारी साधन बीचैमा रोकिएका छन् । यात्रुहरू पैदल हिँड्न बाध्य छन् ।

अहिले पहिरो क्षेत्रमा स्काभेटरद्वारा पहिरो हटाउने काम भइरहेको जिल्ला प्रहरी कार्यालय सल्यानका प्रहरी नायब उपरीक्षक सुमित खड्काले बताए ।

प्रकाशित : जेष्ठ ४, २०७९ १४:०१
प्रतिक्रिया
पठाउनुहोस्

गृहमन्त्री खाँणसँग चिनियाँ राजदूत यान्छीको शिष्टाचार भेट

कान्तिपुर संवाददाता

काठमाडौँ — गृहमन्त्री बालकृष्ण खाँणसँग नेपालका लागि चिनियाँ राजदूत होउ यान्छीले शिष्टाचार भेटघाट गरेकी छन् ।  बुधबार गृह मन्त्रालयमा भएको भेटमा दुई देशबीचको आपसी सम्बन्ध र सहयोग आदानप्रदानको विषयमा कुराकानी भएको थियो ।

भेटमा राजदूत यान्छीले स्थानीय तह निर्वाचन सम्पन्न गरेकोमा प्रधानमन्त्री शेरबहादुर देउवालाई बधाई दिएको गृहमन्त्रीको सचिवालयले जानकारी दिएको छ । चिनियाँ राष्ट्रपति सि चिन फिङले आफ्ना जनप्रतिनिधि जनताले आफैं छान्ने प्रक्रिया राम्रो भएको भन्दै यो कार्य सम्पन्न गरेकोमा प्रधानमन्त्री देउवालाई बधाई दिएको बताए ।

भर्खरै सम्पन्न स्थानीय तह निर्वाचनका दिन आफू निर्वाचन भइरहेका विभिन्न स्थानमा अवलोकनका लागि गएको र त्यहाँ जनता उत्साहित भएर निर्वाचनमा भाग लिइरहेको देख्दा खुसी लागेको राजदूत यान्छीले बताइन् ।

भेटमा गृहमन्त्री खाँणले स्थानीय सरकार निर्माण गर्ने कार्य सम्पन्न गरेर सरकार अब बजेट निर्माणको प्रक्रियामा लागेको बताए । चीनले शान्ति, स्थिरता, विकास र समृद्धिमा अहिलेसम्म निरन्तर गरेको सहयोगका लागि धन्यवाद दिँदै आगामी दिनमा पनि सहयोग गर्न आग्रह गरेको गृह सचिवालयले जनाएको छ ।

प्रकाशित : जेष्ठ ४, २०७९ १४:०१
पूरा पढ्नुहोस्
प्रतिक्रिया
पठाउनुहोस्
×